395 myń tonna dızel otyny bólindi

Bıyl da dástúrdegideı Aýyl sharýa­shy­lyǵy mınıstrligi oblys ákimdik­terimen birlesip, aýyl sharýashylyǵy taýarlaryn óndirýshilerge qajetti janar-jaǵarmaı kólemin anyqtap, Energetıka mınıstrligine tıisti tapsyrysty engizdi. Arzandatylǵan dızel otynynyń kólemi soǵan saı belgilengen.

«2019 jylǵy kóktemgi egis ju­mys­tary kezeńinde dızel otynynyń usy­nylatyn baǵasy 1 tonnasyna 193 myń teńgeni, al kúzgi egin jınaý jumys­tary kezeńinde 1 tonnasyna 198 myń teńgeni qurady. Bul rette Energetıka mınıstrliginiń qolynda aýyl sharýa­shylyǵy taýarlaryn óndirýshiler úshin dızel otynynyń arzandatylǵan baǵasyn zańnamalyq bekitý quzyreti joq ekenin atap ótken jón», dedi Á.Maǵaýov.

Vıse-mınıstrdiń málimdeýinshe, kóktemgi egis jumystaryna janar-jaǵar­maı jetkizýdiń kestesi 96,4%-ǵa oryn­daldy, josparlanǵan 380 myń ton­nanyń 366,3 myń tonnasy jóneltildi.

Al kúzgi jıyn-terin jumystaryna janar-jaǵarmaı jetkizýdiń jospary bıylǵy 16 qyrkúıektegi jaǵdaı bo­ıynsha 65,4% júzege asty. Jos­parlanǵan 395 myń tonnanyń 258,3 myń tonnasy tıeldi. Onyń ishinde, shilde aıynyń jospary 94,7%-ǵa oryndalyp, josparlanǵan 116,2 myń tonnanyń 110,1 myń tonnasy jóneltilse, tamyz aıynyń jospary 87,7%-ǵa júzege asty. Iаǵnı, josparlanǵan 128,8 myń tonnanyń 113 myń tonnasy aýyl sharýashylyǵy taýarlaryn óndirýshilerge jóneltildi.

Á.Maǵaýov aýyl sharýashylyǵy ta­ýarlaryn óndirýshilerge arzandatylǵan janar-jaǵarmaı jetkizýde eleýli prob­lemanyń kezdese qoımaǵanyn atap ótti. Bıyl da byltyrǵy sekildi janar-ja­ǵar­maı jóneltý tártibi men kestesi saq­ta­lýda. Árıne keıbir jaǵdaıda belgili bir óńirge janar-jaǵarmaıdyń keshiktirilýi kezdespeı qalǵan joq. Al munyń negizgi sebebi suraýshy jaqtyń tıisti qarjyny ýaqytynda aýdarmaýy­nan týyndaıdy.

Degenmen ákimdikter men aýyl sharýa­shylyǵy taýarlaryn óndirýshiler tara­pynan arzandatylǵan janar-jaǵar­maıdyń jetkizilýi jóninen asa alań­daýshylyq baıqalǵan joq. Sebebi jyl­dar boıy qalyptasqan jóneltý kes­tesiniń yrǵaǵy saqtalýda. Elimizde kúzgi jıyn-terin jumystary áli aıaqtalǵan joq. Soǵan sáıkes janar-jaǵarmaı jóneltý de jyldaǵydaı tártippen jalǵasýda. Mysaly, qyrkúıek aıynyń jóneltý jospary keshegi kúni 27%-ǵa oryndaldy.