Memorandým aıasynda sybaılas jemqorlyqqa qarsy is-qımyl salasynda qabyldanatyn sharalardyń tıimdiligin arttyrýǵa, elimizdiń oqý oryndarynda sybaılas jemqorlyqty, quqyq buzýshylyqtardy jasaýǵa yqpal etetin sebepter men jaǵdaılardy joıýǵa, jataqhanalardyń jaǵdaıyna monıtorıng jasaýǵa jáne Nur Otan partııasynyń «Taza sessııa» aksııasyn ótkizýge jol ashady.
«Qyrkúıektiń sońyna deıin Jas Otan JQ elimizdiń ulttyq jáne memlekettik ýnıversıtetterinde «Taza sessııa» aksııasyn ótkizedi. Maqsatymyz jastar arasynda sybaılas jemqorlyqqa «nóldik» tózbeýshilik mádenıetin qalyptastyrý, jemqorlyqqa qarsy minez-qulyq úlgisin odan ári damytý, elimizdegi oqý oryndarynda sybaılas jemqorlyq jaǵdaıyn anyqtaý, olardy boldyrmaý úshin tetikterdi qarastyrý. Aksııa nátıjesi JOO-daǵy sybaılas jemqorlyqtyń qazirgi jaı-kúıin kórsetip, oqý úrdisinde sybaılas jemqorlyq áreketteriniń týyndaýyna sebep bolatyn negizgi máselelerdi anyqtaıdy», dedi Jas Otan JQ tóraǵasy Dáýlet Káribek.
«Adaldyq alańy» jobasy aıasynda jasalǵan bul memorandým jemqorlyqty joıýǵa, azamattar jáne bıznes úshin kedergisiz jáne qolaıly jaǵdaılar jasaýǵa, aýqymdy qoǵamdyq baqylaý júrgizýge, turmystyq sybaılas jemqorlyqty joıýǵa baǵyttalǵan.
Memorandým ózara is-qımyl, aqparat almasý jáne birlesken jobalardy, aksııalardy, semınarlardy iske asyrý arqyly júzege asyrylady.
Kezdesý qorytyndysy boıynsha eki tarap sybaılas jemqorlyqqa qarsy saıasatty tıimdi iske asyrýǵa baǵyttalǵan sharalardy qabyldaýǵa múmkindik bere otyryp, ózara is-qımylǵa qýatty serpin beretinine senim bildirdi.
«Egemen-aqparat»
