Jeztańdaı ánshini eske alý sharasy Elbasynyń «Uly dalanyń jeti qyry» atty baǵdarlamalyq maqalasynda atap kórsetilgen «Dala folklory men mýzykasynyń myń jyly» tarmaǵynyń aıasynda uıymdastyryldy. Keshke Jánibek Kármenovtiń kýrstastary, dos-jarandary, zııaly qaýym ókilderi qatysty.
«Kózden ketse de, eldiń kóńilinen ketpegenine táýba aıtamyn. О́ziniń elinde eskertkish taqta qoıylǵan, eskertkishi ashylǵan, osy qalada eskertkish taqtasy bar. «Taýgúl» yqshamaýdanynda kóshesi bar, Semeı qalasynda da kóshesi bar. Biraq Jánibek sııaqty ónerpazyn el esinen shyǵarmaı, elep jatqanyna táýba dep aıtamyn», – dedi Jánibek Kármenovtiń jubaıy Turar Báıgenqyzy.
