О́kinishke qaraı, qoǵamda jastardy eńbekqorlyqqa tárbıeleýge tereń mán berýde, ustazdardyń mártebesin bıiktetýde, áleýmettik deńgeıi tómen turǵyndarǵa júıeli qoldaý berýde, qylmystyń ár qıly kórinisterimen kúresýde qordalanǵan másele jeterlik.
Joldaý ózekti máselelerdiń qataryna qazirgi qoǵamdaǵy jemqorlyq pen sybaılastyqqa, bolashaqqa qaraı umtylmaıtyn bosbelbeýlikke qarsy kúres jatqyzyldy. Adam ómiriniń qundylyqtar men onyń quqyqtary men bostandyǵyn barlyǵynan joǵary qoıý demokratııalyq elderge tán qasıet bolyp sanalady. Ásirese osy maqsatty júzege asyrý úshin kómek berilýge tıisti áleýmettik toptar men jeke azamattar tizimi naqty túrde anyqtalǵany jón. Sonda bizdiń úlken óndiristen shettep qalǵan, biraq shamasy kelgenshe shaǵyn bıznespen aınalysatyn kópshilik qaýymǵa ataýly jáne naqty kómek berileri anyq. Árbir óndirýshi kásipker óziniń eńbeginiń qyzyǵyn aldymen ózi kórýi kerek. Sonda ǵana ekonomıka salasynda yntalanýdan belsendi damý prosesi júzege asady, alǵa qaraı órkendeýdiń qaınar kózi ashylady.
«Men halyqqa bergen ýádelerimdi mindetti túrde oryndaımyn», deıdi Prezıdent Q.Toqaev. Demek, eldiń bolashaǵy sóz ben istiń ózara úılesýinde. «Aıtylǵan sóz – atylǵan oq» deıdi halqymyz. Barlyq deńgeıdegi sózge degen qurmet kóbeıse, onda bolashaqqa qaraı qadamymyz da shıraq bolar edi, qoǵamdyq sanaǵa senim de kiretini belgili. О́kinishke qaraı, ártúrli deńgeıde qurǵaq ýáde berý, azamattardy aldamsyratý kórinis berip otyrǵany jurtshylyqty qynjyltyp kelgeni shyndyq. Qoǵamdaǵy teris qubylystardyń paıda bolýy sebepteriniń astarynda, túp tórkininde sheshilmegen áleýmettik-ekonomıkalyq máseleler, rýhanı daǵdarystar men aýytqýlar, áleýmettik problemalar jatatyny belgili. Endi máselelerdi kóp bolyp eńserýge umtylsaq qana Joldaýda aıtylǵan syndarly oılar júzege asary anyq. Dıalogtan iske kóshetin kezeń jaqyn degen oıdamyz.
Serik NURMURATOV,
fılosofııa ǵylymdarynyń doktory, professor, Fılosofııa, saıasattaný jáne dintaný ınstıtýty dırektorynyń orynbasary
