Onyń eń alǵashqy tolyq metrajdy rejısserlik jumysy – «Rıeltor» fılmi postkeńestik elderiniń Halyqaralyq kınofestıvaliniń «Máskeý premerasy» baǵdarlamasyna shaqyryldy (29 qazan-3 qarasha). 2011 jyly túsirilgen fentezı-drama Máskeýde «Eýrazııalyq keńistik. HHI ǵasyr. Tolyq metrajdy Debıýtter» seksııasynda kórsetiledi. Bul týyndy reseılik kınosúıerqaýymǵa o bastan-aq unaǵan, ol týraly kezinde «Kıno óneri» jýrnaly «Kın-dza-dza-nyń» ulttyq nusqasy, biraq bóten juldyzdardan emes, óz ata-babalar men otbasylyq ańyzdardan quralǵan kartına» dep jazǵan bolatyn. 2011 jyly «Rıeltor» «Kınoshok» festıvalinde qazylar alqasynyń arnaıy júldesin ıelendi jáne de basqa da reseılik kınofestıvalderde birqatar júldeler aldy.
2014 jyly Á.Erjanov túsirgen «Úkili Kámshat» kartınasy qarasha aıynda Sankt-Peterbýrg qalasynda ótetin «DairaFest» halyqaralyq óner festıvaliniń baǵdarlamasyna shaqyryldy. Bul fılm alǵash ret 67-halyqaralyq Kann kınofestıvaliniń resmı baǵdarlamasy aıasynda kórermenderge tanystyrylyp, odan keıingi joly da sátti jalǵasyn tapty: «Úkili Kámshat» Reseıdiń «Nıka» syılyǵyna, azııalyq «Oskar» - «Asia Pacific Screen Awards» syılyǵyna usynyldy, sondaı-aq Toronto, Býsan, Varshava jáne Máskeýdi qosa alǵanda, búkil álem boıynsha 20-dan astam bedeldi festıvaldarǵa qatysyp, birqatar marapattarǵa ıe boldy. 2015 jyly týyndyny Býsan halyqaralyq kınofestıvali óziniń «100 úzdik azııalyq fılmder» katalogyna engizdi.
Al «Túngi qudaı» fılmi Denver Film Festival kınofestıvaliniń baǵdarlamasynda kórsetiledi (30 qazan-10 qarasha, Denver, AQSh). Bul 2018 jylǵy avtorlyq fentezı-drama, onyń tusaýkeseri 40-Máskeý Halyqaralyq kınofestıvaliniń konkýrstyq baǵdarlamasynda ótti, onda ony álemdik baspasóz basylymdary Andreı Tarkovskıı men Alekseı Germannyń kartınalarymen salystyrǵan. Fılm barlyq aspanda bir mıftik jaratylystyń paıda bolýyn turǵyndary qorqynyshpen kútetin qaladaǵy sharshaǵan adamnyń jáne onyń jasóspirim qyzynyń saıahaty týraly baıandaıdy. Aty ańyzǵa aınalǵan amerıkandyq kınosynshy Djonatan Rozenbaým týyndyny «Dybystar men beıneler sheberiniń, úmitsiz aqynnyń qarǵysy» dep sıpattady.
Al Erjanovtyń jańa fılmi «Qap-qara adam» qazirgi tańda Stambýlda ótip jatqan 7-halyqaralyq Bosphorus Film Festival-ine qatysýda, bul festıval 25 qazanǵa deıin jalǵasady. Bul qıyn jaǵdaılarda adam bolyp ózgeretin batyr týraly nýar-trıller alǵash ret osy jyldyń qyrkúıek aıynda San-Sebastıandaǵy 67-halyqaralyq kınofestıvalde, odan keıin Býsan men Bergendegi (Norvegııa) festıvaldarde kórsetildi.
«Rıeltor», «Úkili Kámshat» jáne «Túngi Qudaı» kartınalary Short Brothers kompanııasynyń qatysýymen «Qazaqfılm» kınostýdııasynda túsirildi, al «Qap-qara adam» fılmi Short Brothers jáne Arizona Productions kompanııalarynyń qatysýymen Astana Film Fund kompanııasynda jasaldy.
