Qazaqstannyń túkpir-túkpirinde 5 458 bala úsh aı boıy baıqaýdyń irikteý satylarynan ótip, nátıjesinde 17 óńirden kelgen 8 jas pen 13 jas aralyǵyndaǵy 17 úmitker búldirshin aqtyq synǵa qatysý múmkindigine ıe boldy.
24 qazanda «Ánniń týǵan kúni» baıqaýy ótip, onda balalar belgili qazaqstandyq kompozıtorlardyń balalarǵa arnap jazǵan jańa avtorlyq kompozısııalaryn oryndady. Balalar ánderin súıip oryndaǵan kompozıtorlardyń arasynda Arman Dúısen, Marhaba Sabı, Rınat Zaıtov, Alekseı Maklaı, Baýyrjan Bımahan, Ilııas Ábdirazaqov jáne basqalary bar. «Bala daýysy» baıqaýynyń fınalǵa qatysýshylaryna Serik Ibragımov, Marjan Arapbaeva, Dastan Orazbekov, Zarına Altynbaeva, Danııar О́tegen, Serik Gamza-zade, Dınara Sultan, Saltanat Baqaeva syndy qazaqestradasynyń 17 ártisinen quralǵan qazylar alqasy baǵa berip, tálimgerlik jasady. Umytylmaıtyn jarqyn shoýǵa Qaırat Nurtas pen «Ty - sýper!» televızııalyq baıqaýynyń jeńimpazy reseılik Dıana Ankýdınova qatysty.
26 qazanda top jaryp, aqtyq synda iriktelip shyqqan balalardyń jáne olardyń tálimgerleriniń qatysýymen «Umaıdyń meıirimdi ertegileri» mýzykalyq balalar spektakliniń tusaýkeseri boldy. Spektaklde zamanaýı jáne halyq ánderi, álemdik hıtter, horeografııalyq qoıylymdar, sırk nómirleri, etno-ujymdardyń óneri sabaqtasa órile ketti. Spektakl mýzykasynyń avtory, jaskompozıtor Nazym Mýhamedıeva, ssenarııin jazǵan– Murat Isahanov.
Spektaklden keıin saltanatty marapattaý rásimi ótti, ony «Bala daýysy» jobasynyń avtory Álııa Nazarbaeva ashty. «Men búldirshinderimizdiń ata-analaryn shyn júrekten quttyqtaımyn! Adamǵa balaly-shaǵaly bolyp, olardy ósirip-óndirip, durys baǵyt-baǵdar berý arqyly jaqsy adamdardy tárbıelep shyǵarý – eshnársemen teńeýge kelmeıtin uly násip pen baqyt. Sizder, qurmetti ata-analar,durys joldasyzdar! Biz ony qazir barlyǵymyz kórip otyrmyz. Sizderge zor densaýlyq, otbasylaryńyzǵa amandyq, saýlyq tileımiz! Qurmetti balalar! Sizder irikteý kezeńderinen bastap fınalǵa deıingi uzaq joldan ótip, ózderińizge kóptegen qyzyqty dúnıelerdi ashtyńyzdar, jańa dostar taptyńyzdar. Sizderdi erteń úıde týystaryńyz ben dostaryńyz, muǵalimderińiz ben synyptastaryńyz kútedi. Eń jarqyn sátterdi ózderińizben birge ala ketińizder. Eń shadyman, meıirimge toly kúlkilerińiz ben kóńil kúılerińizdi este saqtap qalyńyzdar! Jyly da meıirimge toly sátterdi umytpańyzdar! Osynyń barlyǵynan jan dúnıesi súıikti Otanynyń ıgiligin ańsaǵan, eń jarqyn da móldir nıetten Adam ómiri qalyptasady».
Jeńimpaz balalardy Almaty qalasynyń ákimi Baqytjan Saǵyntaev, QR Tuńǵysh Prezıdenti – Elbasy qorynyń atqarýshy dırektory Igor Rogov, Qazaq ulttyq óner ýnıversıtetiniń rektory Aıman Musaqojaeva, T.Júrgenov atyndaǵy Qazaq ulttyq óner akademııasynyń rektory Aqan Ábdýálıev, P.Chaıkovskıı atyndaǵy mýzykalyq kolledjdiń dırektory Birjan Hasanǵalıev quttyqtady. Almaty ákimi B.Ábdirulynyń kóńil tolqytar quttyqtaý sózi úlken-kishiniń esinde ýzaq ýaqty júretini anyq.«Dúnıede baladan tátti, baladan ádemi, baladan sezimtal jaratylys ıesi joq shyǵar. Ińgálap dúnıege kelgen náresteniń daýysynan artyq ne bar bul jaryq dúnıede? Sol daýysty ýaqytynda túsine biletin, estı biletin adam, ol – ata-ana. Árbir adam óz sábıi úshin qolynan kelgen bar jaqsylyǵyn jasaýǵa tyrysady. Búgin ózim ertegi álemine tap bolǵandaı sezimde otyrdym. Úlkender balalardyń mundaı konsertine jıi barýy kerek dep oılaımyn, sebebi tamashalap otyrǵanda jan dúnıeńde áldebir nárse qoparylyp túskendeı bolady, tóńiregińe basqasha qaraı bastaǵanyńdy sezinesiń», dedi Almaty ákimi B.Ábdiruly.
Telekórermenderdiń arnaıy syılyǵy – Dýbaı qalasyndaǵy Legolend ertegi álemine saıahat jasaý múmkindigin syılaǵan joldama Nur-Sultan qalasynan kelgen Kamılla Kúzdenbaevaǵatabystaldy. III oryn birden úsh qatysýshyǵa berildi. Olar: Qyzylorda oblysynan kelgen Sezim Qaharman, Almaty qalasynan Mıras Maksımov jáne Nur-Sultan qalasynyń úmitkeri Kamılla Kúzdenbaeva. II oryndy Atyraý oblysynan kelgen Alfııa Tlekqabyl jáne Almaty oblysyn tanystyrǵan Arýjan Rahmanáli enshiledi. I orynBatys Qazaqstan oblysynyń úkilegen úmitkeri Álimjan Túgelbaıǵa buıyrdy.
Túrkistan oblysynan kelgen 12 jastaǵy Meırambek Shalqarbaı tórtinshi maýsymnyń Gran-prı ıegeri atandy. Meırambekke Qazaq ulttyq óner ýnıversıteti janyndaǵy mamandandyrylǵan mektepte oqý Granty men armandaǵy Dısneılendke joldama tabys etildi. Aqtyq márege jetken árbir qatysýshyǵa «Bala daýysynyń» sımvoly – tańǵajaıyp nota, avtorlyq portretter men baǵaly syılyqtar tartý etildi.
«Bala daýysynyń» IY maýsymy úshin arnaıy jazylǵan 17 jańa ánnen turatyn jınaq Qazaqstannyń barlyq mektepterine tegin syıǵa beriletinin de atap ótken jón.
ALMATY
