Bıyl «Digital Bridge» forýmy elimizdiń jas IT-mamandaryn qoldaý úshin Qazaqstan Prezıdenti Qasym-Jomart Toqaevtyń bastamasymen ótkenin aıta ketken lázim.
Forým barysynda Shanhaı Yntymaqtastyq Uıymy elderi halyqaralyq tehnoparkteriniń dóńgelek ústeli ótti. Dóńgelek ústelge qatysýshylar tehnıkalyq kásipkerliktiń ekojúıesindegi ǵylymı-zertteý ınstıtýttary, tehnoparkter jáne múddeli taraptar arasyndaǵy yntymaqtastyqty nyǵaıtý úshin ShYU elderi tehnoparkteriniń múmkindikterin talqylady. Dóńgelek ústelge Astana Hub halyqaralyq IT-startaptar tehnoparkiniń bas dırektory Djozef Sıgler, «IT Park Uzbekistan» tehnoparkiniń bas dırektorynyń orynbasary Abdýlahad Kýchkarov, Qyrǵyz Respýblıkasynyń Joǵary tehnologııalar parkiniń dırektory Altynbek Ismaılov, «Future Laboratory» bas dırektory Iraklı Kashıbadze, «Innoland» damý korporasııasynyń negizin qalaýshy Mammad Karım, Qytaı Halyq Respýblıkasyndaǵy «Skolkovo» ınnovasııalyq ortalyǵynyń ókili Evgenıı Kosolapov, Qytaı Halyq Respýblıkasyndaǵy seriktes. ınvestorlar úshin «Angel Labs» akseleratory Týgche Ergýl jáne «Techstars» akseleratorynyń aımaqtyq menedjeri Anýrag Malý qatysty.
«Innovasııanyń shegi, shekteýleri joq. Biz birge jumys istegimiz, bilimmen bólisip, startaptarǵa maqsattarǵa jetýge kómekteskimiz keledi. Eshkim tolyqqandy ekojúıeni derbes jasaı almaıdy. Men jumys istep úlgergen eń úzdik startaptar da jaqsy komanda men resýrstarsyz eshqashan damymaǵan. Bizde ártúrli damý deńgeıi bar, biraq bul jaman emes. Mysaly, Grýzııadan bizdiń naryqqa keletin damyǵan naryq oıynshylaryn elestetý kerek. Olar bizdiń naryqta óte tabysty jumys isteı alady. О́ıtkeni munda úlken básekelestik joq. Olar osynda kelip, startaptar ashyp, oqıtyn jergilikti turǵyndardy jaldaıdy. Bul óz startaptaryn qurýǵa kómektesedi» dedi Astana Hub IT-startaptar halyqaralyq tehnoparkiniń bas dırektory Djozef Sıgler.
«Digital Bridge» alańynda Next Tech Entrepreneur Forum strategııalyq seksııasy ótti. Seksııa sheńberinde «Bolashaq bilim berý: tehnologııalar bilim berý júıesin qalaı ózgertedi?», «Ortalyq Azııadaǵy korporatıvtik ınnovasııalar», «Kásipker áıelder bıznesindegi tabys qupııalary», «Venchýrlik ınvestısııalar: Startapty qalaı tabysty etip jasaýǵa bolady?» jáne basqa da taqyryptar talqylandy. «Sıfrly ekonomıka úshin kadrlar» sessııasy aıasynda IT-tehnologııalar men bilim berý salasynyń sarapshylary jańa býyndy daıyndaýǵa, bilimdi ózgertýge jáne kásipter álemin jasandy ıntellekt arqyly ózgertýge bolatynyn áńgime arqaýyna aınaldyrdy.
«Mashınalardy basqarý jańa múmkindikterge ákeledi. 10 jyl buryn biz mashınalarmen qalaı jumys isteý kerektigi týraly bilimge kóńil aýdardyq. Búginde jasandy ıntellekt adamnyń qyzmetin almastyrdy. Biraq bizge adamdar qajet, bizge osy ózgeristerdi basqaratyn kóshbasshylar qajet», dedi 01 Edu System negizin qalaýshy Nıkolıa Sadırak.
«Bolashaqtyń bilimi: tehnologııalar bilim berý júıesin qalaı ózgertedi?» sessııasyndaǵy pikir almasý kezinde Future Laboratory bas dırektory Iraklıı Kashıbadze óz kompanııasynyń bilim berýmen jáne ınnovasııamen aınalysatynyn jetkizdi. Ol zertteýler nátıjesinde tek Grýzııada ǵana emes, sonymen qatar álemde adam bilim alý men ony qalyptastyrý prosesin qaıta oılaý kerek degen qorytyndyǵa kelgenderin aıtady. I.Kashıbadzeniń aıtýynsha, adamnyń neıroplastıkalyq mıy bar. Bul burynnan kele jatqan mıf. Iаǵnı adam bárin oqı alady. Osy oraıda ol óz kásipornynyń bolashaqtyń máselelerin zertteıtinine qýanatynyn atap ótti.
Forým aıasynda IT-qaýymdastyǵy men sıfrlandyrý jónindegi bes vıse-mınıstr, atap aıtqanda, Densaýlyq saqtaý vıse-mınıstri Oljas Ábishev, Bilim jáne ǵylym vıse-mınıstri Rústem Bıǵarı, Eńbek jáne halyqty áleýmettik qorǵaý vıse-mınıstri Narıman Muqyshev, Qarjy vıse-mınıstri Rýslan Eńsebaev, Sıfrlyq damý, ınnovasııa jáne aeroǵarysh ónerkásibi vıse-mınıstri Abylaıhan Ospanov IT qoǵamdastyq ókilderimen ashyq áńgimelesti.
5 CDO Open Talks sessııasy Astana Hub IT-startaptar halyqaralyq tehnoparkinde ótti. CDO nemese Chief Digital Officer degenimiz – sıfrly transformasııaǵa jaýap beretin menedjerler. Vıse-mınıstrler sessııa kezinde IT-qoǵamdastyq ókilderimen birlesip, sıfrly jobalardy iske asyrýdaǵy memlekettik organdardyń IT-naryqpen yntymaqtastyǵyn talqylady. Sonymen qatar «Sıfrly Qazaqstan» memlekettik baǵdarlamasynyń aǵymdaǵy jobalaryn iske asyrýdyń qıyndyǵy men IT-naryqtyń memleketke kómegin ortaǵa saldy.
«Búginde Qazaqstanda 5 myńǵa jýyq IT-kompanııa tirkelgen jáne jumys isteıdi. Bul kompanııalar oryndaıtyn óndiris kólemi búginde 700 mlrd teńgeni quraıdy. IT-naryqta jumyspen qamtý 43 myńǵa jýyq mamandy quraıdy. Bul san jyl saıyn ósip keledi. IT-naryqqa ınvestısııa 31 mlrd teńgeni qurady. Bul rette Astana Hub-pen birge jumys isteıtin kompanııalar salyqtyq preferensııalar alady», dedi Abylaıhan Ospanov.
«Digital Bridge» aıasynda bıyl seriktes retinde «Qazaqtelekom» AQ qoldaýymen Boost Esports Academy akademııasy kıbersport boıynsha jarys ótkizdi. Counter-Strike: Global Offensive boıynsha týrnırdiń jeńimpazy 100pingGOD’s komandasy boldy. Týrnırdiń júlde qory 300 myń teńgeni qurady. Sonymen qatar forým aıasynda jyl saıynǵy Astana Hub Awards syılyǵy berildi. Jeńimpazdarǵa syılyqty Sıfrlyq damý, ınnovasııa jáne aeroǵarysh ónerkásibi mınıstri Asqar Jumaǵalıev tapsyrdy. Bul syılyqtyń basty maqsaty – startaptardyń tabysty kásipkerlik bastamalaryn yntalandyrý, ınnovasııalardy damytýǵa jáne qoldaý ınfraqurylymyn nyǵaıtýǵa járdemdesý, sondaı-aq Qazaqstanda IT-kásipkerlikti damytýǵa qoldaý kórsetý. Bıyl Antidolg.kz – «Jyldyń ashylymy», Biometric» – «Jyldyń IT-startapy», Ramıl Mýhorıapov «Jyldyń IT-kásipkeri» atalymy boıynsha marapattaldy. Sondaı-aq Astana Hub Battle tehnologııalyq startaptarynyń jarysy ótti. Aldyn ala ótinimderdi irikteýden keıin sahnada óner kórsetý quqyǵyn 90 komanda alsa, olardyń 10-y jartylaı fınalǵa ótti. Úzdik ondyqtan qazylar alqasy úsh jeńimpazdy tańdady. Fınalda sóz sóıleýdiń qorytyndysy boıynsha Astana Hub Battle jeńimpazdary belgili boldy. Onyń ishinde birinshi oryn – Kid Security – GPS trekıng boıynsha qosymshasyna berildi, bul balanyń uıaly telefon arqyly ornalasqan jerin qadaǵalaýǵa múmkindik beredi; ekinshi oryn – Abscrypt – Kıberqaýipsizdik boıynsha baǵdarlamalyq qamtamasyz etý; úshinshi oryn – Antidolg.kz-onlaın-qaryzdar boıynsha qaryzdary bar halyqqa kómek kórsetýdi uıymdastyrýǵa mamandanǵan zań qyzmetin kórsetýge baǵyttalǵan.
Forým Sıfrlyq damý, ınnovasııalar jáne aeroǵarysh ónerkásibi mınıstrliginiń uıymdastyrýy boıynsha «Zerde «Ulttyq ınfokommýnıkasııalyq holdıngi» AQ, Astana Hub IT-startaptar halyqaralyq tehnoparkiniń qatysýymen jáne «Qazaqtelekom» AQ, «Hýaveı Teknolodjız Qazaqstan», «Maıkrosoft Qazaqstan» kompanııalarynyń qoldaýymen ótti.
