Maıly daqyldar alqabynyń kólemi 2,5 esege ósti

Konferensııa aıasynda Qazaq­stan­daǵy maı óndirisin damytý­dyń jaǵdaıy men perspektıvalary, álemdik naryqtaǵy suranysy sııaqty máseleler qaraldy. Jıyn barysynda Aýyl sharýashylyǵy mınıstri Saparhan Omarov baıandama jasap, sońǵy 10 jylda maıly daqyldar alqabynyń kólemi 2,5 esege óskenin jetkizdi.

«Sońǵy 10 jylda maıly da­qyl­dar alqabynyń kólemi 2,5 ese­ge ósken. О́simge zyǵyr alqap­taryn 5 esege, soıa alqaptaryn 2 esege, maqsary maıyn 39 paıyz­ǵa keńeıtý nátıjesinde qol jet­kizildi. Turaqty suranys­ arqyly maıly daqyldar­dyń eksporty jyl saıyn artyp keledi. Búginde biz maıly da­qyldardyń 40 paıyzyn shı­kizat túrinde eksporttaımyz. 2018 jyly shıkizat ekspor­tynyń kólemi 2017 jylmen sa­lystyrǵanda 21,6 paıyzǵa, 2016 jylmen salystyrǵanda 73,4 paıyzǵa ósip, 1 mln tonnany qurady», dedi S.Omarov.

Mınıstrliktiń málimetinshe, búginde respýblıkada jalpy qýaty jylyna 2 mln tonna maıly daqyldardy óńdeıtin 52 kásiporyn bar eken. Aǵymdaǵy jyl­dyń 9 aıynda tazartylǵan jáne tazartylmaǵan maılardyń óndirisi ótken jyldyń osy kezeńimen salystyrǵanda 32,4 paıyzǵa artyp, 343,5 myń tonnany quraǵan. Sońǵy 5 jylda tazartylmaǵan zyǵyr maıyn óndirý 34 esege artqan. Aýyl sharýashylyǵy mınıstri aldaǵy ýaqytta daıyn ónimderdi eksport­taý mindeti turǵanyn, osy má­se­leni sheshý úshin tyńaıtqysh­tarǵa, tuqymdar men gerbısıdterge jeńildetilgen kredıt be­rip, sondaı-aq, sýbsıdııalardy qarjylandyrý arqyly atalǵan salany qoldaý jalǵasatynyn aıtty.

Konferensııa baǵdarlamasy úsh negizgi sessııadan turdy. Birinshisi, «Qazaqstannyń maı salasyn damytýdyń qazirgi jaǵdaıy jáne bolashaqtaǵy damytý strategııasy», ekin­shi­si, «Maı jáne qaıta óńdeý na­ry­ǵynyń 2019/2020 jylǵy pers­pektıvalary» jáne «Maı daqyldary óndirisiniń bola­shaǵy».  Sondaı-aq «Qazaqstan álem­dik maı da­qyl­dary nary­ǵynyń negizgi úrdis­teri, tutyný naryqtary» atty pikirtalas alańy jumys istedi. Basqosý barysynda maı naryǵy baǵy­ty­nyń ózekti máselelerin talqylaý úshin birqatar tanymal qazaqstandyq jáne sheteldik sarapshylar sóz sóıledi.

Solardyń ishinde «Qazaq­stan maı-tońmaı odaǵy» qaýym­das­tyǵy» ZTB prezıdenti Kons­tantın Nevzorov maıly daqyldar salasyn damytý qarqyny týraly baıandady.

«Aýyl sharýashylyǵy mınıs­tr­ligimen 2030 jylǵa deıin maı-tońmaı salasyn damytý baǵdarlamasyn ázirleý boıyn­sha birlesken jumys bastal­dy. Mınıstrlik bazasynda jumys toby quryldy. Oǵan iri zaýyttar da qatysyp jatyr. Jalpy, bul baǵytta saladaǵy jaǵdaıǵa aý­qymdy taldaý jasap, proble­malardy aıqyndadyq», dedi K.Nevzorov. Onyń sózine qara­ǵanda, maıly daqyldarǵa arnal­ǵan egistiń aýmaǵy aıtarlyqtaı artady. «Salany damytý baǵdar­lamasynda 2019-2021 jyldar birinshi kezeń, 2022-2025 jyldar – ekinshi kezeń, 2026-2030 jyldar – úshinshi kezeń retinde belgilendi. Osy oraıda biz ózimizdi maıly daqyldarmen, ósimdik maıymen tolyqtaı qamtamasyz etip, daıyn ónim eksportyna jan-jaqty shyǵamyz. 2030 jylǵa qaraı maıly daqyldardyń egisteri 5 mıllıon gektarǵa deıin artady dep josparlanýda», dedi Qazaqstan maı-tońmaı odaǵy» qaýymdastyǵy» ZTB prezıdenti.