«Qazgıdromet» RMK-nyń málimetine sáıkes, atmosferalyq fronttardyń ótýine baılanysty respýblıkanyń basym bóliginde turaqsyz aýa raıy saqtalady. Jaýyn-shashyn jaýyp, Shyǵysta jel kúsheıedi, burqasyn, kóktaıǵaq bolady.
Tek respýblıkanyń ońtústik-batysy men batysynda kún ashyq bolady. Keı jerlerde tuman túsedi.
Shyǵys Qazaqstan oblysynyń keı jerlerinde tuman, kóktaıǵaq, burqasyn kútiledi. Jel ekpini 15-20 m/s deıin kúsheıedi.
Qaraǵandy, Pavlodar oblystarynyń keı jerlerinde tuman, kóktaıǵaq, jaıaý burqasyn kútiledi, jel jyldamdyǵy sekýndyna 15-20 metr shamasynda bolady.
Aqmola oblysynyń keı jerlerinde tuman, kóktaıǵaq, jaıaý burqasyn bolady. Túnde jáne tańerteń jel 15-20 m/s deıin jetedi.
Qostanaı oblysynyń keı jerlerinde tuman túsip, kóktaıǵaq bolady. Túnde jaıaý burqasyn kútiledi, jel ekpini - 15-20 m/s.
Aqtóbe, Soltústik Qazaqstan oblystarynyń keı jerlerinde tuman, kóktaıǵaq kútiledi.
Almaty oblysynyń keı jerlerine túnde jáne tańerteń tuman túsip, kóktaıǵaq bolady.
Batys Qazaqstan, Atyraý, Mańǵystaý oblystarynyń keı jerlerinde tuman kútiledi, Mańǵystaý oblysynda kúndiz jel 15-20 m/s deıin kúsheıedi.
Qyzylorda, tańerteń jáne kúndiz Túrkistan, Jambyl oblystarynyń keı jerlerinde jel ekpini 15-20 m/s jetedi, Jambyl oblysynyń keı jerlerine tuman túsedi.
