Elorda ákimi Altaı Kólginov bul ınnovasııalyq jobanyń qorshaǵan ortaǵa jaǵymdy áser etip, avtokólik ıegerleriniń ómirin jeńildetetinin atap ótti.
"Jobanyń maqsaty-elordanyń ekologııalyq ahýalyn jaqsartý. Bul tehnologııa avtokólik ıelerine otyn tutyný men kómirtegi shyǵaryndylaryn azaıtýǵa kómektesedi. Sonymen qatar avtokólikti jylytý úshin elektr baǵandaryn qoldaný ýaqytty únemdeýge múmkindik beredi. Mundaı qondyrǵylar árbir aýdanda bolady. Eýropa elderi osy tehnologııalardy qoldanyp jatyr, bul fın tehnologııalary", - dedi qala ákimi A. Kólginov.
Azııa damý bankiniń prezıdenti Takehıko Nakao atap ótkendeı, tehnologııa 2 bólikten turady: 1-shi bóligi- elektrostansııanyń ózi, 2 - shi bóligi-kólikte ornatylatyn qurylǵy. Sol qurylǵy arqyly kólik elektr baǵanyna qosylady. Takehıko Nakao elorda ákimdigi men Fınlıandııa elshiligine osy jobany qoldaǵany úshin alǵysyn bildirdi.
