«Myna jaǵdaıdy kórip, tóbe shashymyz tik turdy. Sýdyń betinde túgeldeı maıly qabat túzilgen. Sýdan benzın men munaı ónimderiniń ıisi shyǵyp tur. Bul jaı ǵana qoqys nemese laı sý emes, naǵyz lastanýǵa uqsaıdy. Biz Ertiske jyl boıy únemi kelip turamyz. Ertis – ólkedegi basty sý arnasy. Bul – sý, tabıǵat, ekojúıe, adamdardyń densaýlyǵy», dep alańdaýshylyǵyn bildiredi beınejazbany túsirýshi adam.
Oblystyq ekologııa departamentiniń mamandary ózen saǵasynan synama alyp, tekseretinin málim etti. Halyq aýzynda Jyly aǵys dep atalatyn ózen saǵasy qys boıy qatpaı, býy burqyrap jatady. Sebebi bul ózenniń sýyn Aqsý qalasyndaǵy GRES óz óndirisin sýytýǵa paıdalanady. Ertisten jyrylyp aǵatyn ózen saǵasy elektr stansasyna salqyn kúıinde enip, odan aıtarlyqtaı qyzyp shyǵady. Osylaısha, ol tómengi jaqqa jyly kúıinde aǵyp, Ertis ózenine qaıtadan qosylady.
Jyly aǵys – Ertis ózeniniń mańyzdy saǵasy. Onyń sýy Aqsý GRES-inde lastaýshy tetiktermen nemese óndirispen janaspaıdy, jabdyqtardy sýytýǵa ǵana paıdalanylady. Iаǵnı kásiporyn ózen sýyn lastaýshy zat bólmeıdi. Bizdiń mamandar beınejazbany kórdi. Zerthana mamandary Jyly aǵystan synama alady. Sý quramyn zertteýdiń ózindik ádis-amaldary bar. Ol shamamen 5 táýlikke ulasýy múmkin. О́zen sýynyń neden lastanǵany sodan soń ǵana belgili bolady», deıdi oblystyq ekologııa departamenti basshysynyń orynbasary Áset Syzdyqov.
Ertis ózeniniń sýyn úsh birdeı memleket – Qytaı, Qazaqstan, Reseı elderi paıdalanady. О́zenniń tómengi aǵysynda Pavlodar oblysynyń Pavlodar, Aqtoǵaı, Tereńkól, Ertis, Jelezın aýdandary ornalasqan. Bul aýmaqtardyń halqy ózen sýyn egin, mal sharýashylyǵyna keńinen paıdalanyp otyr.
Bet qattalyp jatqanda:
Pavlodar oblysy ekologııa departamentiniń mamandary Ertiske quıatyn «Jyly aǵys» saǵasynan alynǵan synamany zerthanalyq synaqtan ótkizip, ózen sýy taza degen qorytyndy shyǵarǵanyn málim etti.
Pavlodar oblysy
