Taǵaıyndaý • 29 Qarasha, 2019

Jambyl oblysynda kadrlyq aýys-túıister bolyp jatyr

1055 ret

kórsetildi

1 mın

oqý úshin

Búgin Jambyl oblysynda birqatar kadrlyq aýys-túıis boldy. Oblys ákimi Asqar Myrzahmetov Jambyl aýdanyna arnaıy baryp, aýdan aktıvine aýdannyń jańa basshysyn tanystyrdy. Taraz qalasynyń irgesinde ornalasqan Jambyl aýdanyna ákim bolyp Sáken Arýbaev taǵaıyndaldy. Ol osy ýaqytqa deıin birqatar memlekettik qyzmettiń satysynan ótken, Moıynqum aýdanyn basqarǵan. Sońǵy ýaqytta Jambyl oblystyq Jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary bolyp qyzmet atqarǵan.

Hamıt ESAMAN

Jambyl oblysynda kadrlyq aýys-túıister bolyp jatyr

Al Jambyl aýdanyn osy ýaqytqa deıin basqaryp kelgen Baqyt Qazanbasov Talas aýdanyna ákim bolyp bardy. Asqar Myrzahmetov búgin qos birdeı ákimdi Qazaqstan Respýblıkasy Prezıdenti Ákimshiligi jáne aýdandyq máslıhat depýtattarynyń kelisimimen taǵaıyndap, jańa ákimderge aýdan ekonomıkasyn, aýyl sharýashylyǵyn kóterýdi tapsyrdy.

Sonymen qatar búginde Taraz qalasy ákiminiń jáne birqatar oblystyq basqarma basshylary oryndarynyń bos turǵanyn eskersek, alda áli de Jambyl oblysynda kadrlyq aýys-túıister bolady dep aıtýǵa bolady.

Jambyl oblysy