Qazaqstan Prezıdenti Nursultan Nazarbaev Ulybrıtanııanyń korol otbasyna murager hanzadanyń ómirge kelýine baılanysty quttyqtaý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
Jedelhatta Qazaqstan Prezıdenti jeke óziniń jáne Qazaqstan halqynyń atynan Ulybrıtanııa jáne Soltústik Irlandııa patshaıymy Elızaveta II-ni shóberesiniń – Kembrıdj gersogy men Kembrıdj gersogınıasynyń tuńǵysh nárestesiniń dúnıege kelýimen quttyqtaǵan.
«Korol otbasyndaǵy kópten kútken qýanysh Ulybrıtanııa jáne Soltústik Irlandııa patshaıymy Elızaveta II-niń taqqa otyrǵanyna 60 jyl tolýymen tuspa-tus kelýinde erekshe mán bar», – delingen jedelhatta.
Memleket basshysy patshaıymǵa jáne barsha korol otbasyna zor densaýlyq, uzaq ómir, al dostas Ulybrıtanııa halqyna beıbitshilik pen baq-bereke tilegen.
