«Jomart júrek» syılyǵynyń laýreattary marapattaldy

«Rýhanı jańǵyrý» baǵdar­lamasynyń aıasynda Aqparat jáne qoǵamdyq damý mınıstrligi uıymdastyrǵan biregeı jobanyń negizgi maqsaty –qaıyrym­dy­lyq qyzmet ıdeıalaryn, mesen­attyqty jáne fılantropııany nasıhattaý.

Syılyqty tapsyrý rásimi­ne týǵan jerin, ósken ólkesin damytýǵa qatysqany úshin bız­nes-qurylymdardyń, ÚEU, erik­tiler men qaıyrymdylyq kómek kórsetýshiler arasynan 50 ókil marapattaldy. Syılyq «Jyl mesenaty», «Jyl tulǵasy», «Týǵan ólke», «Eren erligi», «Úzdik uıym» atalymdary bo­ıyn­sha tabys etildi.

Týǵan ólkesinde iri áleý­mettik jobalardy iske asyr­ǵany úshin, az qamtylǵan, kóp ba­laly otbasylarǵa, jetim balalarǵa jáne ata-anasynyń qamqorlyǵynsyz qalǵan bala­larǵa, múgedekterge, UOS ar­da­gerlerine, zeınetkerlerge óteýsiz kómek kórsetkeni úshin «Jyl mesenaty» nomınasııasy boıynsha «Gaz stroy montazh KZ» JShS quryltaıshysy (Atyraý oblysy) Erlan Ta­byldıev jáne «Zenchenko ı K» sharýa qojalyǵynyń dırektory (Soltústik Qazaqstan oblysy) Gennadıı Zenchenko jeńimpaz atandy.

«Jyl tulǵasy» nomınasııasy boıynsha belsendi azamattyq ustanymy, túrli baǵyttaǵy keń aýqymdy qaıyrymdylyq qyz­meti úshin Jambyl oblysy­nyń paralımpıadalyq chempıony Zýlfııa Ǵabıdýllına, anestezıolog-dáriger, kásipker, «Emodji» áleýmettik kafesiniń ıesi Azamat Bazylov marapattaldy.

Eldi mekenderdi abattan­dyrýǵa, saıabaqtardy, alleıalardy, eskertkishterdi, balalardyń oıyn alańdaryn qaıta jańartýǵa jáne salýǵa, densaýlyq saqtaý, mádenıet, bilim berý jáne sport salasynda «Týǵan ólke» nomınasııasy boıynsha demeýshi­lik kómek kórsetýge baǵyttal­ǵan áleýmettik jobalardy iske asyrǵany úshin jeńimpazdar­dyń biri «Almaty menedjment ýnıversıteti» QB prezıdenti, Qazaqstannyń Azamattyq alıan­synyń prezıdenti Asylbek Qo­jahmetov boldy. Sondaı-aq osy nomınasııada Mańǵystaý oblysynyń kásipkeri Nurjan Edilov jeńimpaz atandy.

Áleýmettik mańyzy bar jobalardy, qaıyrymdylyq jobalardy tıimdi iske asyrýda, qaıyrymdylyq kómektiń jańa tıimdi nysandaryn engizýde jáne qoǵamdyq mańyzy bar is-sharalarǵa bas demeýshilikte «Úzdik uıym» atalymy boıynsha «Qazfosfat» JShS jeńimpaz atandy, uıym basshysy – Muqash Iskandırov. Sonymen qatar, osy nomınasııada Aıdyn Rahymbaev basshylyq jasaıtyn «BI Group» iri ınvestısııalyq-qurylys hol­dıngi jeńimpaz boldy. 

Volonterlik qyzmetke bel­sendi qatysqany úshin «Eren erligi» nomınasııasy boıynsha syılyq ıegerleriniń biri Arman Qasymov boldy.

Arman «О́mirzaq-Servıs» munaı kompanııasynda jumys isteıdi, belsendi volonter, Atyraý jedel járdem stansasynda 10 jyldan astam ýaqyt boıy volonter bolyp jumys isteı­di. Sondaı-aq, Arman jyl boıy densaýlyq saqtaý sala­sy­na volonterlerdi tartý úshin, onyń ishinde hospıster­ge, onkolo­gııalyq dıspanser­lerge kómek kórsetý úshin «Birgemiz: Saýlyq» jalpyulttyq joba­synyń ambassadory bolady. Joba eriktiler jylyn ótkizý aıa­synda iske asyrylady.

Sondaı-aq osy nomınasııada «Saǵymbaı» sharýa qojalyǵy  basshysy Saǵynbaı Ýabov (Pav­lodar oblysy) jeńimpaz atandy.

Ár nomınasııa boıynsha «Jomart júrek» syılyǵynyń 10 laýreaty marapattaldy.

Jeńimpazdar http://jomartjurek.com saıtta ashyq daýys berý qorytyndysy boıynsha anyqtaldy.