Qazaqstan Respýblıkasynyń Malaızııadaǵy Ýaqytsha senimdi ókili Danııar Sarekenov Dúnıejúzilik ıslam ekonomıkalyq forýmnyń (DIEF) Bas hatshysy Tan Srı Ahmad Fýzı Abdýl Razakpen kezdesti, dep habarlady QR SIM-niń baspasóz qyzmeti.
Kezdesý barysynda Qazaqstan men Forým arasynda qalyptasqan tıimdi yntymaqtastyq atap ótildi. Taraptar ǵalamdyq ekonomıkada Azııa elderiniń róli arta túskenin nazarǵa ala otyryp, aldaǵy ýaqyttaǵy qarym-qatynastardyń perspektıvalaryn talqylady.
DIEF Bas hatshysy Qazaqstandy Forýmnyń senimdi áriptesi jáne belsendi qatysýshy retinde atap ótip, qazaqstandyq tarapty 2013 jyly 29-31 qazanda Londonda ótetin «Aýyspaly álem: jańa qatynastar» atty 9-shy sessııasyna qatysýǵa shaqyrdy.
A.Fýzı London forýmynda Taıaý Shyǵys, Ońtústik pen Ońtústik-Shyǵys Azııa jáne Afrıka elderinen memleket jáne úkimet basshylarynyń qatysýy kútiletini týraly aıtty.
DIEF musylman elderiniń iskerlik áriptestiginiń áleýetin damytýǵa arnalǵan únqatysý alańy retinde 2003 jyly Pýtrajaıada (Malaızııa) ótken Islam yntymaqtastyǵy uıymy Memleket basshylarynyń 11-shi sammıti barysynda qurylǵan bolatyn.
