Elbasymyz óziniń halyqqa arnaǵan Joldaýlarynda bilim-ǵylym salasyna erekshe kóńil bólip keledi. Ol oryndy da. О́ıtkeni, kez kelgen eldiń bolashaǵy bilimge táýeldi.
M.О́temisov atyndaǵy Batys Qazaqstan memlekettik ýnıversıtetiniń bazasynda talapkerlerdi keshendi testileý tamyz aıynyń 19-22 aralyǵynda ótti. Bıylǵy jylǵy synaq nátıjesinde byltyrǵy jylǵy kórsetkishpen salystyrǵanda, aralyq alshaqtyq baıqalǵan joq. Keshendi testileýge ótinish bergender sanynyń artqandyǵy baıqalyp otyr. Tórt lek boıynsha 3752 talapker synaq tapsyrsa, onyń ishinde shyǵarmashylyq mamandyqtar boıynsha 420 talapker synnan ótti.
Ýnıversıtetimizde UBT jáne keshendi testileý aldynda maqsatty jumystar jasalǵan bolatyn. Talapkerler úshin qysqa jáne uzaq merzimdi daıyndyq kýrstary uıymdastyryldy. Talapkerlerdi keshendi testileýde eń joǵary kórsetkish 100 ball bolsa, talapker Sultan Qanatov 95 ball jınap, joǵary nátıjege ıe boldy.
Talapkerlerdi keshendi testileý barlyq talaptarǵa saı joǵary deńgeıde uıymdastyryldy. Talapkerlerdiń bilim synaǵyn tapsyrýyna ýnıversıtet, memlekettik komıssııa, Bilim jáne ǵylym mınıstrliginiń ókilderi, ishki ister qyzmeti, qaýipsizdik organdary, medısına salasynyń mamandary tarapynan barlyq jaǵdaılar jasaldy. Shekti ball jınaı almaǵan talapkerler bir jyldan keıin qaıtadan tapsyrýǵa múmkindik alady. Talapkerlerdi keshendi testileý bilim sapasyn aıqyndaýda, búgingi tańda maman daıarlaýda, ıaǵnı joǵary oqý ornynda oqýǵa laıyqty bilim alatyn stýdent tańdaýda óz nátıjesin bererine senimdimiz.
Rıta SULTANǴALIEVA,
M.О́temisov atyndaǵy BQMÝ baspasóz hatshysy.
Oral.
