Ekonomıka • 17 Qańtar, 2020

Tranzıttik tasymaldaýdan 450 mlrd teńge tabys tapty

27 ret kórsetildi

Qazaqstannyń tranzıttik áleýeti jyl ótken saıyn artyp keledi. Bul múmkin­dikti tıimdi paıdalaný baǵytynda naq­ty jumystar atqarylýda. Máselen, Indýs­trııa jáne ınfraqurylymdyq damý mınıstr­ligi baspasóz qyzmetiniń habarlaýynsha, 2019 jyldyń qorytyndysynda Qazaq­stan arqyly tasymaldanǵan tran­zıt­tik júk kólemi 19,4 mln tonnaǵa jetti.

Onyń ishinde temir jol kóligi arqyly tranzıttik tasymaldaý kólemi 17,5 mln tonnany qurady. Kóliktiń bul túrimen elimizdiń aýmaǵy arqyly ótetin tranzıttik júk aǵynynyń negizgi úlesi, ıaǵnı 75,6% nemese 11,5 mln tonnasy Ortalyq Azııa elderine tıesili. Atap aıtsaq, bul kórsetkishtiń 7,1 mln tonnasy – О́zbekstanǵa, 2,26 mln tonnasy – Qyrǵyzstanǵa, 1,2 mln tonnasy – Tájikstanǵa, 0,26 mln tonnasy Aýǵanstanǵa keledi. Reseıdiń úlesi 2,8% bolsa, tranzıttik júktiń 13,8% Qytaıǵa, 7,1% Eýropa odaǵy elderine tıesili.

Temir jol kóligi arqyly Qazaqstan aýmaǵymen qandaı júk tasymaldanady degenge kelsek, 18,5%-ben birinshi orynda munaı tur. Odan keıin qara metaldar – 10,7%, hımıkattar men soda – 6,8%, hımııalyq jáne mıneraldyq tyńaıtqyshtar – 2,2%, astyq 1,7%-dy quraıdy. О́zge de júkter – 55,6%.

Al avtokólikpen 2019 jyly 1,93 mln tonna tranzıttik júk tasymaldandy. Jáne júktiń negizgi baǵyttary Qytaıdan Eýropa odaǵy elderine – 14 myń tonna, Ortalyq Azııa elderine – 779 myń tonna, Reseıge 61,7 myń tonna júk jetkizildi. Ortalyq Azııa elderinen Eýropa odaǵyna – 106,5 myń tonna, Reseıge – 396 myń tonna, Qytaıǵa 5,4 myń tonna júk aparyldy. Reseıden Ortalyq Azııa elderine 9,7 myń tonna, Eýropa odaǵy elderinen Ortalyq Azııaǵa 567 myń tonna, Qytaıǵa 2,7 myń tonna tranzıttik júk jetkizildi.

Avtokólikter arqyly negizinen mashınalar, mehanızmder, qural-jabdyqtar men apparatýralar tasymaldandy. Onyń ishinde elektrondy jabdyqtar – 20,1%, ósimdik ónimderi – 17,3%, halyq tutynatyn taýarlar – 15%, bastapqy materıaldar, matalar, toqyma materıaldary men buıymdar – 11,5% jáne t.b. taýarlar qurady.

Sondaı-aq 2019 jyldyń qorytyndysynda Qazaqstan aýmaǵy arqyly konteınerlerdiń tranzıttik tasymalynyń jalpy kólemi 23%-ǵa artyp, 664 myń konteınerge jetti. Onyń ishinde Qytaı – Eýropa – Qytaı baǵytyndaǵy konteınerler sany 11%-ǵa artyp, 347 myń konteınerdi qurady.

Osylaısha, Qazaqstan byltyr tranzıttik tasymaldaýlardan 450 mlrd teńgeden astam tabys tapty.

 

 

 

Sońǵy jańalyqtar

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Uqsas jańalyqtar