Qoǵam • 17 Qańtar, 2020

Almaty oblysynda «Jastar tájirıbesi» jobasy aqsap tur

67 ret kórsetildi

Aımaqta sońǵy eki jyl kóleminde «Jastar tájirıbesi» jobasyn qarjylandyrýǵa 1 mlrd teńgeden astam qarajat jumsalǵan. Atap aıtqanda, 2018 jyly 459,3 mıllıon teńge ıgerilse, ótken 2019 jyly bul qarjy 599,2 mıllıon teńgege deıin ósken. 

Alaıda, oblys jastarynyń eńbek tájirıbesinen ótýi men jumysqa ornalasýyna qatysty is kóńil kónshitpeı tur. Bul týraly «Jetisý - adaldyq alańy» jobalyq keńsesiniń jetekshisi Amanjol Jazyqbaev málimdedi.

Jastardy jumysqa tartýǵa arnalǵan jol kartasyna júrgizilgen monıtorıng nátıjesi bul baǵytta birneshe qatelik bolǵanyn anyqtaǵan eken. Sarapshylar «Jastar tájirıbesi» jobasy aıasynda óndiristik tájirıbıeden ótýge jiberilgen jas mamandardyń taǵdyryna alańdaýshylyq bildirip otyr.

О́ıtkeni, tájirıbeden ótken 2 myńǵa jýyq jas mamannyń 20 prosenti ǵana turaqty jumysqa qabyldanǵan. Sondaı-aq jastardy mekemelerge bólý barysyndaǵy jaýapsyzdyqtyń kesirinen belgili mamandyq ıesi ózine beıtanys salada tájirıbeden ótýge májbúr bolǵan eken.

- О́kinishke qaraı, oblys boıynsha «Jastar tájirıbesi» jobasyna qatysty jumys aqsap tur. Biz tájirıbeden ótken jastardyń arasynda saýalnama ótkizdik. Oǵan qatysýshylardyń deni jumys prosesine aralaspaǵanyn, mekemelerdegi «shaýyp kel, baryp kel» jumystardy istegenin aıtady. Taǵy bir bóligi múldem beıtanys salaǵa túskenderin kórsetti. Mysalǵa, aspazdyń oqýyn bitirgen túlekti arhıtektýra bólimine tájirıbeden ótýge jibergen. Demek, bul baǵdarlamanyń júzege asýyna jaýapty adamdar óz jumysyna salǵyrt qarap, jol kartasy boıynsha jastardy mamandyq saı bólý isin qutylý úshin ǵana júrgizgen, - dedi «Jetisý - adaldyq alańy» jobalyq keńsesiniń jetekshisi Amanjol Jazyqbaev. 

 

Almaty oblysy

Sońǵy jańalyqtar

Uqsas jańalyqtar