Kásiporyn taratqan málimetterge qaraǵanda, sıklon jáne onymen baılanysty atmosferalyq frontaldy bólikter Qazaqstan Respýblıkasynyń soltústik jáne shyǵys bóligine áser etedi. Sonyń saldarynan eldiń basym bóliginde qar jaýyp, jel kúsheıedi, burqasyn bolady.
Respýblıkanyń ońtústik-batysyna jańa sıklon áser etedi - jaýyn-shashyn, qar jáne jańbyr túrinde jaýady. Qazaqstan Respýblıkasynyń ońtústik jartysynda aýa raıy jaýyn-shashynsyz bolady. Respýblıkanyń keı jerlerinde tuman, kóktaıǵaq bolady.
Shyǵys Qazaqstan oblysynda burqasyn bolyp, jel 15-20 m/s jyldamdyqpen esedi. О́ńirdiń birqatar aýmaqtarynda jeldiń jyldamdyǵy sekýndyna 23-28 metr, ekpini 30 metrge deıin kúsheıedi, keı jerlerde kóktaıǵaq bolýy múmkin.
Pavlodar oblysynda burqasyn, túnde keı jerlerde qatty burqasyn bolyp, jel túnde 15-20 m/s jyldamdyqpen esip, ekpini 23-28 m/s bolady. Keı jerlerde jeldiń jyldamdyǵy 30 m/s-qa deıin kúsheıip, kúndiz keı jerlerinde 15-20 m/s bolady, birqatar aýmaqtarda kóktaıǵaq bolýy yqtımal.
Qaraǵandy, Qostanaı, Soltústik Qazaqstan oblystarynyń keı jerlerinde burqasyn, tuman bolady, jel 15-20 m/s jyldamdyqpen soǵyp, túnde Qaraǵandy oblysynda ekpini 23-28 m/s-qa deıin kúsheıedi.
Aqmola oblysynda túnde burqasyn bolyp, jel 15-20 m/s jyldamdyqpen soǵady, ekpini 23-28 m/s-ke jetedi. Kúndiz keı jerlerde burqasyn bolyp, jel 15-20 m/s-qa deıin kúsheıedi, keı jerlerde tuman bolýy múmkin.
Almaty, Túrkistan, Qyzylorda oblystarynyń keı jerlerinde tuman bolady. Jambyl, Aqtóbe oblystarynyń keı jerlerinde tuman túsip, túnde Aqtóbe, kúndiz Jambyl oblystarynyń keı jerlerinde jel 15-20 m/s jyldamdyqpen soǵady.
Batys Qazaqstan, Atyraý, Mańǵystaý oblystarynyń keı jerlerinde tuman, kóktaıǵaq bolýy yqtımal.
