Abaı týraly fılm túsirýge ótinishter qańtardyń sońyna deıin qabyldanady

Úkimet • 19 Qańtar, 2020

Abaı týraly fılm túsirýge ótinishter qańtardyń sońyna deıin qabyldanady

105 ret kórsetildi

Ulttyq kınony qoldaý memlekettik ortalyǵy «Abaı» derekti fılmin, sonymen qatar tolyq metrajdy kartına túsirýge daıyndyq ústinde. Osy sharanyń aıasynda ortalyq arnaıy konkýrs jarııalap otyr. Bul týraly Mádenıet jáne sport mınıstrligniń baspasóz qyzmeti habarlady.

Egemen Qazaqstan

«2020 jyldyń qańtar aıynyń sońyna deıin barlyq túsken ótinishter qaralyp, Saraptamalyq keńestiń qorytyndysy boıynsha vedomstvoaralyq komıssııaǵa qosymsha qaraý úshin jiberiledi. Komıssııa músheleri sheshim shyǵarady» dedi UKQMO óndiris boıynsha basqarma tóraǵasynyń orynbasary Oljabaı Musabekov.

Onyń aıtýynsha, fılm komıssııa músheleriniń usynystaryna sáıkes tańdalyp, túsiriledi.

«Búgingi tańda konkýrsqa qatysýǵa alty ótinim kelip tústi, onyń ishinde fılm-opera, eki tarıhı melodrama, 30 serııadan turatyn derekti fılm, 15 serııaly qysqametrli fılm jáne taǵy bir tolyqmetrajdy fılm bar. Qosymsha ótinimderdi kútemiz. Meniń oıymsha, qańtardyń sońyna deıin budan da kóp usynystar bolady» deıdi ol.

Aıta keteıik, bıyl elimiz aqyn, fılosof, aǵartýshy jáne oıshyl – uly Abaıdyń 175 jyldyǵyn atap ótýge daıyndalyp jatyr. Mereıtoı qarsańynda Qazaqstanda jáne shetelderde 500-ge jýyq merekelik is-shara uıymdastyrylatyn bolady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz