Rýhanııat • 24 Aqpan, 2020

«Astana Operada» P.Chaıkovskııdiń mereıtoıy atap ótiledi

15 ret kórsetildi

1 naýryz kúni «Astana Opera» teatrynyń Úlken zaly sahnasynda elorda turǵyndary men qala qonaqtarynyń nazaryna ataqty kompozıtor P.Chaıkovskııdiń 180 jyldyǵyna arnalǵan sımfonııalyq mýzyka konserti usynylady. Bul týraly «Astana Opera» teatrynyń baspasóz qyzmeti habarlady.


«Petr Ilıch Chaıkovskıı – adamzat tarıhyndaǵy uly mýzyka kemeńgerleriniń biri, romantızm baǵytynyń jarqyn ókili, onyń týyndylary álemde jıi oryndalatyn shyǵarmalar qataryna jatady. Beınelerdiń shynaıylyǵy, názik syrshyldyǵy, psıhologııalyq tereńdigi, dramalyq kúsh-qýaty, ómirlik shyndyǵy onyń mýzykasyn barlyq halyqaralyq keńistiktegi tyńdarmandardyń qalyń buqarasyna jaqyn ári túsinikti etti. P.Chaıkovskııdiń máńgilik týyndylary álemdik mádenıetke qosylǵan baǵa jetpes úles bolyp tabylady, sonymen qatar mýzykalyq ónerdegi damýdyń jańa satysyna jol ashqan batyl serpilisti kórsetedi», dep atap ótti maestro Abzal Muhıtdın.

P.Chaıkovskııdiń mýzykasy jer sharynyń túkpir-túkpirindegi bar halyqtyń mahabbatyna bólengen, kemeńger kompozıtordyń baı murasynyń jaýharlary qoǵamymyzdyń rýhanı ıgiliginiń mańyzdy bólshegine aınalǵan. Bul keshte P.Chaıkovskıı men K.Sen-Sanstyń tamasha shyǵarmalary Qazaqstannyń eńbek sińirgen qaıratkeri Abzal Muhıtdınniń jetekshiligindegi «Astana Opera» sımfonııalyq orkestri men solıst – tanymal skrıpkashy, Qazaqstannyń eńbek sińirgen qaıratkeri Baǵdat Ábilhanovtyń oryndaýynda shyrqalady.

Mýzykalyq keshti K.Sen-Sanstyń skrıpka men orkestrge arnalǵan №3 konserti, sı mınor, op.61 tańdaýly týyndysy ashady. Fransýz kompozıtorynyń eń tanymal konserti solıstiń tehnıkalyq jaǵynan kúrdeli, úzdik partııasymen erekshelenedi. Baǵdarlama P.Chaıkovskııdiń skrıpka men orkestrge arnalǵan melanholııalyq serenadasy, sı-bemol mınor, op.26 shyǵarmasymen jalǵasady. Shabytqa toly týyndy tyńdarmandardyń san urpaǵyn eriksiz eljiretedi. Ekinshi bólimde P.Chaıkovskııdiń №5 sımfonııasy, mı mınor, op. 64 usynylady. Onyń negizine adam jáne taǵdyr, jazmysh uǵymdary alynǵan, kompozıtor drama men tragedııany talǵammen úılestire otyryp, tereń fılosofııalyq máselelerdi kóteredi. Osy mýzykanyń ıntellektýaldyq tereńdigi, oıynyń qatańdyǵy, qulashynyń qaýqary men aýqymdylyǵy zaldaǵy eshbir jandy beı-jaı qaldyrmaıdy.


Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar