«Sý tasqynyna qarsy is-sharalardy kúsheıtý qajet. Eldi-mekenderge basa nazar aýdarýymyz kerek. Jeke sektor turǵyndaryna úıleriniń shatyrlaryn jáne irgeles aýmaqtaryn qardan ýaqytyly tazalaý týraly habarlama berilip jatyr. Turǵyndar aýlasyndaǵy qardy jol jıegine shyǵaryp jınaǵan kezde ǵana kommýnaldyq qyzmetter alyp kete alady. Eldi-mekender erekshe baqylaýda: Ilınka eldi-mekeninde damba nyǵaıtyldy, al Kóktal - 1 eldi-mekeninde ýaqytsha jer úıindileri salyndy. О́ndiris eldi-mekeninde ózen arnasyn qalpyna keltirý jumystary júrgizilýde, bul ózen sýynyń kedergisiz ótýin qamtamasyz etedi», dedi qala ákimi Altaı Kólginov.
Qala men shetkeri aımaqtardy sý tasqynynan qorǵaıtyn kontregýlıatordyń jumys rejımi bekitildi. Kóktemgi sý tasqynyn qaýipsiz ótkizýdi qamtamasyz etý maqsatynda Maıbalyq kólinen «Nura-Esil» kanalyna deıin jumys istep turǵan arnanyń ótkizý qabileti arttyrylady.
Kommýnaldyq qyzmetter kúsheıtilgen rejımde qar tazalaý jumystaryn atqaryp jatyr. Búginde qala aýmaǵynan 4 mln 600 myń tekshe metr qar shyǵaryldy. О́tken qysta shyǵarylǵan qar kólemi eki ese az boldy. Byltyr tek 1 mln 900 myń tekshe metr qar shyǵaryldy.
«Qazgıdromet» RMK gıdrometeorologııalyq ortalyǵynyń dırektory Marına Shmıdt atap ótkendeı, "byltyr qysta jaýǵan qardyń kólemi - 102 mm bolsa, bıyl qysta qarasha men aqpan aralyǵynda jaýǵan qar kólemi 173 mm bolyp otyr. Bul shamamen eki ese normadan joǵary" (bir aıdyń normasy -15 mm bolsa, 15 kúnde 34 mm qar jaýdy).
«Osy qysta 4 ret boran boldy. Bul kommýnaldyq qyzmetkerlerdiń jumysyn edáýir qıyndatty. Sársenbi kúni jańbyr jaýsa, beısenbi kúni qar kútilýde. Beısenbide jaýyn - shashyn mólsheri kóp bolady - normadan joǵary. Ekpindi jel kútiledi», dedi Marına Shmıdt. Sý tasqynyna qarsy is - sharalardy ótkizýge qatysty barlyq máseleler boıynsha turǵyndar myna telefondar arqyly habarlasa alady: «Saryarqa» aýdany:8-778-710-91-00, «Baıqońyr» aýdany:8-702-348-82-88, 8-701-999-22-89, «Almaty» aýdany:8-707-795-13-88.
Jelezodorojnyı, Promyshlennyı eldi-mekenderi: 8-778-669-97-70, qosymsha tel. 8-707-878-11-31, 8-701-407-80-52.
Mıchýrıno, Kúıgenjar, Internasıonalnyı: 8-707-588-72-27, qosymsha tel. 8-701-715-62-30. Ońtústik-Shyǵys shaǵyn aýdany boıynsha:8-702-4444-52-99, qosymsha tel. 8-702-905-59-95, 8-777-077-77-89.
«Esil» aýdany: 8-701-121-25-35 («Prıgorodnyı», «Zarechnyı», «Telmano»),8-778-176-31-11(«Úrker», «Vostochnaıa Ilınka»).
