«О́zińiz biletindeı, eýrazııalyq ıntegrasııa ıdeıasyn Qazaqstannyń Tuńǵysh Prezıdenti – Elbasy Nursultan Ábishuly Nazarbaev usynǵan bolatyn. Memleket basshysy Qasym-Jomart Kemeluly Toqaev Eýrazııalyq ekonomıkalyq odaqtyń odan ári damýyna basa kóńil bóledi», dedi A. Mamın.
EAEO jumys isteı bastaǵan kezeńnen beri Qazaqstannyń seriktes eldermen ózara saýdasy 23,3%-ǵa – $16,3 mlrd-tan $20,1 mlrd-qa deıin ósti. EAEO elderinen kelgen ınvestısııalar aǵymy $5,5 mlrd asty, birlesken kásiporyndar sany shamamen 12 myńǵa deıin, 2 esege ulǵaıdy.
Sonymen qatar Úkimet basshysy EAEO ishki naryǵynyń jumysy aıasynda tym kóp tosqaýyldardyń — 66 kederginiń bar ekenin atap ótti.
«Kedergilerdi joıý, klassıkalyq “tórt erkindikti” (taýarlar, qyzmetter, kapıtal, jumys kúshi) qamtamasyz etý jáne ózara saýda kórsetkishterin arttyrý boıynsha júıeli jumystar júrgizý qajet. Bul iskerlik ortalarǵa, jalpy, EAEO-ǵa qatysýshy elderdiń turǵyndaryna ıntegrasııalyq jobadan naqty paıdany sezinýge múmkindik beredi», dedi A. Mamın.
Taraptar 2025 jylǵa deıingi eýrazııalyq ekonomıkalyq ıntegrasııany damytýdyń strategııalyq baǵyttary jobasynyń ázirlený barysyn, EAEO aıasynda tehnıkalyq retteýdiń biryńǵaı bazasyn jetildirýdi, sondaı-aq EEK jumysynyń reglamentin saqtaý máselelerin talqylady.
Kezdesýge Premer-Mınıstrdiń birinshi orynbasary – qarjy mınıstri Á. Smaıylov, Qazaqstan Respýblıkasynyń Saýda jáne ıntegrasııa mınıstri B. Sultanov jáne EEK Alqasynyń tóraǵasy hatshylyǵynyń basshysy V. Zınovskıı qatysty.
