Álemniń 50 elimen jumys isteıtin oblys

Qazaqstan • 27 Aqpan, 2020

Álemniń 50 elimen jumys isteıtin oblys

Atyraý oblysy — elimiz boıynsha ınvestısııa kóleminiń shamamen úshten bir bóligin qamtamasyz etetin, iri otandyq ári sheteldik ınvestorlar úshin asa tartymdy aımaq. Bul týraly Premer-Mınıstrdiń baspasóz qyzmeti habarlady.

Egemen Qazaqstan

Atyraý oblysy ákimdiginiń málimetinshe, 2020 jyldyń qańtar aıynda negizgi kapıtalǵa salynǵan ınvestısııalar kólemi 348,4 mlrd teńgeni nemese 2019 jyldyń sáıkes kezeńimen salystyrǵanda 108,8% qurady.

Búgingi tańda oblys álemniń 50-den astam elimen tabysty yntymaqtastyq ornatqan, 1000-nan astam birlesken jáne sheteldik kásiporyndar qurylyp, sátti jumys isteýde.

Atyraý oblysynyń ákimdigi óńirdiń ınvestısııalyq ahýalyn jaqsartý jáne oblys ekonomıkasyna tikeleı sheteldik ınvestısııalardy tartý boıynsha júıeli jumys júrgizýde.

Oblysta jyl saıyn «Global Oil&Gas Atyrau» jáne «Atyrau Build» Soltústik Kaspıı óńirlik kórmeleri ótkiziledi, oblys ákimdigi men óńir kásiporyndarynyń ókilderi taıaý jáne alys shet elderde ótkiziletin halyqaralyq ınvestısııalyq is-sharalarǵa belsendi túrde qatysady.

2019 jyly oblysqa resmı saparlarmen alys jáne jaqyn shet elderden birqatar delegasııa keldi. Olardyń ishinde Ulybrıtanııa, Italııa, Japonııa, Belarýs Respýblıkasy, Kanada, Germanııa, AQSh jáne basqalary bar.

Otandyq jáne sheteldik ınvestorlarǵa sapaly jáne jedel kómek kórsetý, aqparattyq-taldamalyq jáne servıstik qoldaý kórsetý úshin óńirde «Kazakh Invest» UK» AQ, «Atyraý ÁKK» AQ, «Atyraý Innovations» JShS jumys isteıdi.

Budan ózge, Atyraý oblysy ákiminiń qaýlysymen «bir tereze» qaǵıdaty boıynsha ınvestorlarǵa qyzmet kórsetý ortalyǵy retinde «Atyraý» áleýmettik-kásipkerlik korporasııasy anyqtaldy. О́ńirdiń ınvestısııalyq qyzmetine baılanysty problemalyq máselelerdi jedel sheshý úshin Atyraý oblysynyń ákimdigi Investorlardy tartý jáne ınvestısııalyq ahýaldy jaqsartý jónindegi óńirlik keńesti, sondaı-aq Eksport jónindegi óńirlik keńesti qurdy. Keńesterdiń otyrystary toqsan saıyn ótkiziledi.

«International Pipeline Structure Solutions Caspian» JShS — dıstrıbıýtor jáne Ulybrıtanııada ornalasqan Swagemaster Engineering Services atynan lısenzııa boıynsha óndiredi.

Bul kásiporyn Ulybrıtanııadan tys jerde ashylǵan kompanııanyń alǵashqy nysany, 2019 jyly IPSS Group Ázerbaıjan men Brazılııada fılıaldaryn ashty.

IPSS kompanııasy seriktestiktiń arnaıy baǵdarlamasyna qatysty, onyń maqsaty — jańa brıtandyq ınvestorlardy usyný jáne brıtandyq jáne qazaqstandyq kompanııalar arasyndaǵy yntymaqtastyqqa yqpal etý. Atalǵan baǵdarlamany Ulybrıtanııanyń Halyqaralyq saýda departamenti, PSA JShS, «KAZENERGY» qaýymdastyǵy, QPO, TShO jáne NKOK operator-kompanııalarymen yntymaqtastyqta qoldaıdy.

Kásiporynda burylmaly biteýish, japqysh, tutqasy bar biteýishter sııaqty ýaqytsha qubyrǵa arnalǵan fıtıngter qurastyrylady.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz