Ulttyq qoǵamdyq senim keńesiniń quramyna jurtshylyqtyń jáne sarapshylar qoǵamdastyǵynyń jańa ókilderi qosyldy.
Atap aıtqanda, Ulttyq keńeske belgili qoǵam qaıratkeri, Qazaqstan Respýblıkasy Parlamenti Májilisiniń depýtaty, Aýǵan soǵysy ardagerleri uıymdarynyń «Qazaqstan ardagerleri» qaýymdastyǵynyń tóraǵasy Baqytbek Smaǵul, belgili zańger, Eýropalyq quqyq jáne adam quqyqtary ınstıtýtynyń dırektory Marat Bashımov, qoǵam qaıratkeri, «Mazmundama» QB tóraǵasy Shyńǵys Muqan, Qazaqstannyń jańartylatyn energetıka qaýymdastyǵynyń bas dırektory Arman Qashqynbekov jáne «Talbesik» kópbalaly analar qozǵalysynyń jetekshisi, jýrnalıst Lázzat Qojahmetova, zańger, «Izgilik elshisi» respýblıkalyq erikteler qozǵalysynyń jetekshisi, zańger Aınur Sábıtova kirdi.
Ulttyq keńestiń quramynan E.Ázimova, A.Saın, B.Palymbetov, A.Shoraev, B.Buqarbaı, A.Ámirtaev shyǵaryldy.
Keńes 2019 jylǵa 12 maýsymda qurylyp, onyń alǵashqy otyrysy 2019 jylǵa 6 qyrkúıekte ótti. Ulttyq keńestiń quramyna ártúrli saıası partııalardyń, qoǵamdyq birlestikterdiń, úkimettik emes uıymdardyń, BAQ ókilderi, belgili qoǵam qaıratkerleri, jetekshi qazaqstandyq sarapshylar kiredi.
Ulttyq qoǵamdyq senim keńesiniń úshinshi otyrysy bıyl sáýir aıynda ótedi.
