Qoǵam • 05 Naýryz, 2020

Memlekettik qyzmettegi áıelderdiń úlesi qandaı?

63 ret kórsetildi

Memlekettik qyzmet isteri agenttiginde memlekettik qyzmet salasyndaǵy genderlik teńdiktiń saqtalýy, saıası qyzmetshiler men memlekettik organdardyń birinshi basshylarynyń baǵynystaǵy qyzmetshileriniń sybaılas jemqorlyqqa qatysty qylmystary úshin jaýapkershiligi máselelerine qatysty baspasóz máslıhaty ótti.

Memlekettik qyzmet isteri agenttiginiń Memlekettik qyz­met departamenti dırek­tory­nyń orynbasary Dýman Ábi­lev memlekettik qyzmette basqa­rýshy laýazymdarda 9,5 myńnan astam áıel qyzmet etetinin má­lim­dedi. Bul basshylardyń jal­py sany­nyń 40%-yn quraıdy.

Atap aıtar bolsaq, mınıstr­lerdiń orynbasarlary 14,3%, óńir ákimderiniń orynbasarlary 7,1%, ortalyq memlekettik organ­dardyń komıtetteri tór­a­ǵa­larynyń orynbasarlary men de­partamentterdiń dırek­tor­lary 29,2%, ortalyq memle­­ket­tik organdardyń aýmaq­tyq bólimsheleriniń basshylary 12,8%, oblystyq basqar­malardyń basshylary – 15,3%, qala jáne aýdan ákimderiniń orynbasarlary 15,1%-dy quraıdy.

Agenttik konkýrstyq rá­sim­derdiń ashyqtyǵyn qamtamasyz etý úshin júıeli jáne jospar­ly jumys júrgizedi. «Bul mem­­lekettik qyzmetke orna­la­sýǵa teń múmkindik jasaý­dyń ma­ńyz­dy sharty. Kandıdat­tardan konkýrstyq komıssııa­nyń she­shimine shaǵym túsken jaǵ­daıda zańnamanyń saqta­lýy turǵysynan tekserý taǵaı­ynda­lady», deıdi D.Ábilev.

2019 jyly júrgizilgen kon­kýrstarǵa 52 144 adam qatysqan, bul rette memlekettik qyzmetke ornalasýǵa nıet bildirgenderdiń 24 028-i – áıelder. Konkýrs ná­tı­jesinde taǵaıyndalǵan áıel­derdiń úlesi – 46,2 % (22 520-dan 10 397).

Memlekettik qyzmetshilerdi daıarlaý, qaıta daıarlaý jáne bilik­tilikti arttyrý barysynda gen­derlik taqyrypqa nazar aý­darylady. Mysaly, memle­kettik organdardyń kadrlar bó­limderiniń basshylaryn oqy­tý júıesine halyqaralyq oń táji­rıbe negizinde ázirlengen jumys pen otbasyn baılanystyrý bo­ıynsha taqyryptyq sabaqtar engizildi. 

Memlekettik qyzmet isteri agenttiginiń Memlekettik qyz­met salasyndaǵy baqy­laý depar­tamentiniń dırektory Erlan Saparov «QR memlekettik qyz­meti týraly» zańnyń memle­kettik qyzmetshilerdiń  jaýap­tylyǵy máselesi boıynsha ere­jeleri 2019 jyldyń 10 jeltoq­sanynda qoldanysqa engizilgenin málimdedi.

«Osylaısha otstavkaǵa ketý týraly mindet ótken jyldyń 10 jeltoqsanynan keıin sybaılas jemqorlyq qylmys jasa­ǵan qyzmetkerlerdiń basshylaryna jáne saıası qyzmetkerlerge qoldanylady. Mem­lekettik saıa­sı qyzmetshiler, eger olar ta­ǵaıyndalǵan kúnnen bastap úsh aı ót­kennen keıin sybaılas jem­qorlyq qyl­mys jasaǵan jaǵ­daıda otstavkaǵa ketedi.Qazirgi tańda Prezıdent Ákim­shiliginiń tapsyrmasy boıyn­sha Memlekettik qyzmet iste­ri agenttigi Joǵarǵy sot, Bas prokýratýra jáne Sybaılas jem­qorlyqqa qarsy is-qımyl agenttigimen birlesip tıisti is-qımyl algorıtmin ázirledi.Prezıdenttiń tapsyrmalary negizinde «Qazaqstan Res­pýb­lıkasynyń memlekettik qyzmeti týraly» jáne «Sybaılas jem­qorlyqqa qarsy is-qımyl týraly» zańdarǵa tıisti ózgerister en­gizildi», dedi maman.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar