Qala mańyndaǵy «Jasyl beldeý» aýmaǵyn aralap, qysta egilgen aǵashtardyń kóktegenin kórip shyqqan oblys ákimi О́mirzaq Shókeev birneshe tal egip, kóktemgi aǵash otyrǵyzý naýqanyn ashyp berdi. Aýmaǵy 8 myń gektarǵa jýyq jasyl alqaptyń kólemin aldaǵy ýaqytta eki ese arttyrý kózdelgen. Al sý júıelerin engizý jumystary naýryz aıynda tolyq aıaqtalady. Uńǵymalar qazylyp, kóshet otyrǵyzylǵan jerler qorshalýda. «Qalanyń ishi men aınalasyn kógaldandyrý jańarǵan shahardyń qurylysyndaǵy mańyzdy máselelerdiń biri. Jasyl alqap Túrkistannyń tabıǵı tynysyna aınalady. Sonyń arqasynda aýa tazaryp, qala shań men jeldi daýyldan qorǵalady. Sonymen birge, qala turǵyndarynyń súıikti demalys orny bolary sózsiz. О́ıtkeni jasyl beldeý aýmaǵynda sý arnalary men jasandy kól paıda bolady», dedi oblys ákimi.
Jasyl beldeýdegi tálimbaqta Túrkistan qalasynyń klımatyna tez beıimdeletin, tek ózge memleketterde ósetin ósimdikterdi jersindirý boıynsha tájirıbeler jasalady. Mundaǵy maqsat - keıbir qylqanjapyraqty aǵash túrlerin jasyl beldeýde ósirý úshin beıimdeý.
Túrkistan oblysy
