Barlyq qural-jabdyqtary Túrkııadan ákelingen jylyjaı jylyna 5-6 mln túp kóshet óndirýge qaýqarly. Jobanyń quny – 280 mln teńge. Qojalyq ıesi Tursyn Tashodjaev túrik áriptesterimen kelisimshartqa turyp, osy bir aýqymdy jobany iske asyryp otyr. Aıta keterligi, mundaǵy kóshet egý, ósirý, kútip-baptaý, sýarý sekildi jumystyń bári kompıýterlengen. Iаǵnı, sońǵy úlgidegi avtomattandyrylǵan júıede jumys isteıdi. Sol sebepti qol kúshin de asa qajet etpeıdi. Kásiporyn búginge deıin 2 mln túp kóshet túrlerin ósirip, saýdalap úlgeripti.
«Jylyjaı sońǵy úlgidegi zamanaýı qural-jabdyqtarmen jabdyqtalǵan. Sondyqtan bizdiń múmkindikterimiz de orasan. Bir mezette birneshe túp kóshetti ósirýge tapsyrys ala alamyz. Qazirgi tańda Shymkent qalasy men Túrkistan oblysynyń birqatar aýdandarynyń sharýalarynan tapsyrys alyp, tolyq oryndap berdik. Aldaǵy ýaqytta Qazaqstannyń barlyq oblys qalalarynan da tapsyrystar alýdy josparlap otyrmyz», – deıdi qojalyq tóraǵasy. Iаǵnı sharýa qojalyǵy tapsyrysty tolyq oryndaý úshin kóshet sanyn 8-9 mln túpke deıin ulǵaıtýdy kózdep otyr.
Túrkistan oblysy
