Chempıondar lıgasynyń 1/8 fınalynda «Valensııa» «Atalantany» qabyldaıdy. Eýropa lıgasynyń dál sol mejesinde «Inter» «Hetafemen» oınaıdy. 10,12 naýryz kúnderi ótetin kezdesýlerde joǵaryda atalǵan komandalardyń stadıondaryndaǵy trıbýnalar bos bolady.
Qazirgi kezde Italııada koronavırýs dertine shaldyqqandar sany 3 myń adamnan assa, Ispanııada 261 adam sol indetti juqtyrǵan.
PSJ men «Borýssııa» arasyndaǵy Chempıondar Lıgasynyń 1/8 fınalynyń jaýapty oıyny 11 naýryzda «Park de Prens» stadıonynda ótedi. Bos trıbýnalar kezinde match ótkizý týraly sheshimdi Parıj polısııasy prefektýrasy qabyldady.
«Osy jaǵdaıǵa qaramastan, klýb joǵary deńgeıde oıyn ótkizýge nıetti. Maýsymdyq abonement ıeleri men oıynǵa bıletter satyp alǵan jankúıerlerge aqparat keıinirek beriledi», - delingen habarlamada.
