Qoǵam • 20 Naýryz, 2020

Basty shart – talapqa baǵyný

121 ret kórsetildi

Qazaqstan Respýblıkasynyń Bas prokýratýrasy «Prokýratýra týraly» Zańnyń 31-baby tártibi negizinde úndeý jarııalady.

Úndeýde Qazaqstan Prezıdenti koronavırýs pandemııasyna baılanysty eldiń búkil aýmaǵynda 2020 jyldyń 16 naýryzynan 15 sáýirine deıin tótenshe jaǵdaı engizý týraly Jarlyqqa qol qoıǵanyn eske sala otyryp, Nur-Sultan jáne Almaty qalalarynda 2020 jylǵy 19 naýryzdan bastap karantın rejimi engizilgeni, sondyqtan birqatar shara men ýaqytsha shekteýler belgilengeni, olardy oryndamaý ákimshilik jaýaptylyqqa ákep soqtyratyny (ÁQBtK-niń 476-baby – 10 AEK aıyppul nemese 15 táýlikke deıin qamaqqa alý) atap kórsetilgen.

Sondaı-aq úndeýde: «Tótenshe jaǵ­daı kezinde bılik ókiliniń zańdy talabyna baǵynbaǵany úshin qylmystyq jaýaptylyq kózdelgenin túsindiremiz (QK-niń 379-baby – 2 myń AEK aıyp­puldan 2 jylǵa bas bostandyǵynan aıy­rýǵa deıin). «Halyq densaýlyǵy jáne densaýlyq saqtaý júıesi týraly» Kodekstiń 90-babyna sáıkes azamattar medısınalyq uıymdardyń talap etýi boıynsha tekserýden jáne emdelýden ótýge mindetti. Bas memlekettik sanıtarlyq dárigerdiń 2020 jylǵy 16 naýryzdaǵy qaýlysymen stasıonarlyq jáne úı karantıni engizildi. Olardy iske asyrý maqsatynda ýákiletti or­gan­­dar epıdemıologııalyq jaǵdaıy qo­laı­syz elderden kelgen adamdardy anyqtaý, oqshaýlaý jáne emdeý boıynsha is-sharalardy qamtamasyz etýde», dep jazylǵan.

Budan bólek, úndeýde shekteý is-sharalary, onyń ishinde karantın turǵyndardyń jáne menshik nysanyna qaramastan zańdy tulǵalardyń oryndaýy úshin mindetti ekeni aıtylǵan. «Karan­tınnen jaltarý, shetelge shyǵý týraly málimetterdi jáne baı­la­nysta bolǵan adamdar týraly aqpa­ratty jasyrý faktileri bar. Halyq­tyń qaýipsizdigin qamtamasyz etý maq­satynda azamattardan ótkiziletin is-sha­ralarǵa túsinistikpen qaraýdy, Densaýlyq saqtaý mınıstrligi men IIM qyzmetkerleriniń zańdy talaptaryn saqtaýdy, olarǵa ınfeksııany anyqtaý men aldyn alýǵa kómek kórsetýdi su­raımyz. Polısııanyń osyndaı talap­taryna baǵynbaǵany úshin ákimshilik jaýaptylyq kózdelgenin atap ótemiz (ÁQBtK-niń 667-baby – 40 AEK-ke deıin aıyppul nemese 10 táýlikke deıin qamaqqa alý).

Sondaı-aq sanıtarııalyq-epıdemıo­logııalyq qadaǵalaý organdarynyń nus­qa­malaryn oryndamaǵany (ÁQBtK-niń 462-babynyń 3-bóligi – 500 AEK-ke deıin aıyppul) jáne sanıtarııalyq erejeler men gıgıenalyq normalardy buz­­ǵany úshin (ÁQBtK-tiń 425-baby – 5 mln teńgege deıin aıyppul) ákimshilik jaýap­tylyq belgilengen.

Bul rette kásipkerlik sýbektilerine qatysty qyzmetin toqtata turý túrindegi jaza qoldanylýy múmkin.

Eger mundaı áreketter abaısyzda adamdardy jappaı juqtyrýǵa nemese adam ólimine ákep soqsa, onda qyl­mystyq jaýaptylyq týyndaıdy (QK-niń 304-baby – 2 myń AEK aıyppuldan 10 jylǵa bas bostandyǵynan aıyrýǵa deıin). Sonymen birge shyndyqqa sáıkes kelmeıtin málimetterdi taratpaýǵa jáne arandatýshylyqqa berilmeýge shaqyramyz.

Qazirgi jaǵdaı týraly shynaıy aqparat ýákiletti memlekettik organ­dardyń resmı Internet-resýrstarynda ornalastyrylady», delingen.

 

 

 

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Uqsas jańalyqtar