Pandemııa bastalǵaly júrgizilip jatqan monıtorıng nátıjesi naýqastardyń kóbi Nıý-Iorkten tabylǵanyn kórsetti. Ol jaqta 25 665 adam tirkelgen. Nıý-Djersı shtatynda 3675, Kalıfornııada 2 494, Vashıngtonda 2 221, Mıchıganda 1 791, Florıdada 1 412 naýqas tirkelgen.
Shyǵys Vırdjınııa memlekettegi eń qaýipsiz shtat retinde sanalyp otyr. Ol jaqta 20 adam vırýs juqtyrǵan. AQSh-tyń bas hırýrgi Djerom Adams jaqyn kúnderi memlekette naýqastardyń sany kúrt ósetinin eskertken edi. «Amerıka halqy bunyń qaýipti ekenin túsingenin qalaımyn. Osy apta biz úshin aýyr bolmaq», dedi ol NBC News kanalyna bergen suhbatynda. Indettiń tez taralýyna halyqtyń, ásirese jastardyń qaýipti tolyq túsinbeı bir shtattan ekinshi shtatqa saıahattaýynda, karantın rejımin ustanbaýda deıdi.
