Qoǵam • 25 Naýryz, 2020

Adamdar da úıinen shyqpaı ómir súrýge úırenip jatyr - mınıstr

153 ret kórsetildi

Úkimet koronavırýspen kúresý úshin buryn-sońdy bolmaǵan aýqymdy sharalar atqarýda. Bul týraly «Habar 24» telearnasynyń tikeleı efırinen Aqparat jáne qoǵamdyq damý mınıstri Dáýren Abaev aıtty.

«Qurmetti otandastar! О́zderińiz bilesizder, Úkimet koronavırýspen kúresý úshin buryn-sońdy bolmaǵan aýqymdy sharalar atqarýda. Adamdar da úıinen shyqpaı ómir súrýge úırenip jatyr. Kópshiligimiz qashyqtan jumys isteýge kóshtik. Jaǵdaı kúrdeli, sondyqtan barshańyzdyń kómegińiz kerek», - dedi mınıstr.

Mınıstr ol úshin mamandar aıtqan qarapaıym keńesterdi jasaý qajet ekenin eske saldy.

«Qolyńyzdy jıi jýyńyz, ár jýǵanyńyz 20 sekýndtan kem bolmasyn. Úıden shyqpańyz. Dalaǵa shyqsańyz, maska kıińiz jáne adamdarmen 2 metr aralyqty saqtańyz. Kópshilik bolyp jınalmańyzdar. Qazir toı toılaıtyn, qydyratyn ýaqyt emes. Osy qarapaıym sharalardy jasaý arqyly sizder ózińizdiń, jaqyndaryńyzdyń ómirin saqtaı alasyzdar» dedi ol.

Sonymen qatar Dáýren Abaev búgin Bilim jáne ǵylym mınıstri Ashat Aımaǵambetov qazaqstandyq ata-analarǵa karantın ýaqytynda balalarymyzǵa kóbirek kóńil bólip, birge kitap oqýǵa, paıdaly vıdeolar kórýge shaqyrǵanyn eske saldy.

«Qajetti materıaldardyń tizimin de berdi. Bul keremet bastamany qoldaý kerek dep sanaımyn. Úıde bolaıyq, aman bolaıyq. Biz birgemiz!» dedi mınıstr.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar