Memlekettik hatshy Marat Tájınniń tóraǵalyǵymen Shetelderde kadrlar daıarlaý jónindegi respýblıkalyq komıssııanyń kezekti otyrysy bolyp, onda buǵan deıingi memlekettik organdarǵa berilgen tapsyrmalardyń oryndalý barysy qaraldy.
Memlekettik hatshy Marat Tájınniń tóraǵalyǵymen Shetelderde kadrlar daıarlaý jónindegi respýblıkalyq komıssııanyń kezekti otyrysy bolyp, onda buǵan deıingi memlekettik organdarǵa berilgen tapsyrmalardyń oryndalý barysy qaraldy.
Komıssııa sheshimi boıynsha bıylǵy jyly 1090 halyqaralyq stıpendııa bólý kózdelipti. Jyl basynan beri sonyń 299-y bekitilgeni belgili boldy. Osy rette Memlekettik hatshy «Bolashaq» stıpendııasyn taǵaıyndaý isi jańa erejege sáıkes júrgizilgendigimen bólisti. Osylaısha, úmitkerlerdi barynsha keń qamtyp, olardyń baqtaryn synaýǵa múmkindikter týǵyzý kózdelgen. Bul neǵurlym laıyqty degen talapkerlerdi tabý úshin jasalyp otyr. Sońǵy konkýrstyq irikteýge 700-den astam úmitker qatysyp, tıisti talaptarǵa sáıkes sonyń 400-den astamy komıssııa músheleriniń nazaryna usynyldy. «Úmitkerlerdiń qujattaryn qarap, qyrkúıek-qazan aılarynda olardyń shetelderdegi tańdaýly oqý oryndaryna der kezinde jetkizilýine jaǵdaı jasaýymyz kerek. Stıpendıattardy iriktep qana qoımaı, olardyń shetelderde jan-jaqty bilim alýlaryna barlyq jaǵdaı jasaýǵa mindettimiz», dedi M. Tájın.
Sonymen komıssııa sheshimine sáıkes «Bolashaq» halyqaralyq stıpendııasyna 427 adam ıe boldy. Onyń ishinde magıstratýra baǵdarlamasy boıynsha – 224, doktorantýra boıynsha – 8, al taǵylymdamadan ótýge 195 jas úmitker ıe bolyp otyr. «Elimizdiń jalpy memlekettik jáne óńirlik sıpattaǵy naqty muqtajdyǵyn meılinshe tolyq esepke ala otyryp, kadrlar daıarlaý úderisinde aıqyn baǵytty qamtamasyz etý qajet», dep atap ótti Memlekettik hatshy. Stıpendııalardy taǵaıyndaý basymdyq berilgen mamandyqtardyń aldyn-ala bekitilgen tizbesine sáıkes júzege asyryldy. Onyń edáýir bóligi memlekettik organdardyń maqsatty ótinimderine sáıkes bólinse, bul mamandardy nysanaly baǵytta daıarlaý jumysy kúsheıtilgenin aıǵaqtaıdy.
Indýstrııa jáne jańa tehnologııalar mınıstrliginiń maqsatty ótinimine sáıkes, Qazaqstannyń ındýstrııalandyrý kartasyna engen kásiporyndarda jumys jasaıtyn 66 ınjener-tehnık qyzmetkerdiń Germanııanyń jetekshi ónerkásip ortalyqtary men zaýyttarynyń bazasynda taǵylymdamadan ótetini málim boldy. Mysaly, «Salamatty Qazaqstan» memlekettik baǵdarlamasyn iske asyrý aıasynda 20 medısına qyzmetkeri AQSh, Avstrııa, Fransııa, Izraıl jáne Reseı elderiniń mamandandyrylǵan ortalyqtarynda taǵylymdamadan ótip, biliktilikterin ushtaıtyn bolady. Sondaı-aq, tuńǵysh ret aýyl sharýashylyǵy salasynyń 18 ǵylymı qyzmetkeri taǵylymdamadan ótý úshin Ulybrıtanııa, Qytaı jáne Reseı elderine attanary belgili bolyp otyr.
Budan basqa Memleket basshysynyń kóptildilikti damytý jónindegi tapsyrmasyn iske asyrý maqsatynda Nazarbaev zııatkerlik mektebiniń 15 oqytýshysy Fınlıandııada, elimizdiń joǵary oqý oryndary men kolledjderinde, orta bilim beretin mektepterde qyzmet etetin aǵylshyn tiliniń 37 oqytýshysy Ulybrıtanııa, Shveısarııa jáne AQSh sııaqty elderdiń ýnıversıtetterinde daıarlyqtan ótetin bolady. Al Ulybrıtanııada Bı-Bı-Sı (VVS) korporasııasynyń, Reseıde (Sankt-Peterbýrgtegi Bonch-Brýevıch atyndaǵy telekommýnıkasııa ýnıversıteti bazasynda) jáne Ońtústik Koreıada mamandandyrylǵan taǵylymdamadan ótý úshin «Habar» AQ, «Qazaqstan» RTRK jáne «QazMedıa» ortalyǵynyń 22 mamany, ıaǵnı beıneoperatorlary men beıneınjenerleri stıpendııa ıegerleri atandy.
Sonymen birge, tarıhshylar men arheologtardan quralǵan 5 maman Ulybrıtanııanyń Kembrıdj, Býkıngem jáne Brýnel ýnıversıtetterine taǵylymdamadan ótýge attandy. Sol sııaqty, Sport jáne dene shynyqtyrý isi jónindegi agenttiktiń maqsatty ótinimi boıynsha elimizdiń 12 bapkeri men sport menedjeri Ulybrıtanııada jáne Reseıdiń Sochıdegi Halyqaralyq Olımpıada ýnıversıtetiniń bazasynda taǵylymdamadan ótýge múmkindik alyp otyr. Olardyń qatarynda olımpıada chempıony Serik Sápıev Londondaǵy Brýnel ýnıversıtetinde sporttyq menedjment boıynsha bilim alatyn bolady. Otyrysta sonymen qatar, shetelderde kadr daıarlaý baǵdarlamasyn iske asyrý jáne jetildirýge qatysty basqa da máseleler jan-jaqty qaraldy. Otyrys qorytyndysy boıynsha Memlekettik hatshy ókiletti memlekettik organdarǵa tıisti tapsyrmalar berdi.
Asqar TURAPBAIULY,
«Egemen Qazaqstan».
