«Seltık» - «Shahter» 3:0 (birinshi match - 0:2)
«Seltık»: Forster, Mettıý3, Lýstıg, Embroýz, Malgrıý, Forrest (van Deık, 90 4), Braýn, Ledlı, Kommons (Býrrıgter, 79), Samaras, Stoýks.
«Shahter»: Mokın, Sımchevıch, Malyı, Djıdjıch, Poryvaev, Kanıas, Vıchıýs, Vasılevıch, Fınonchenko (Zenkovıch, 83), Kazarıan, Hıjnıchenko.
Goldar: Kommons (45), Samaras (48), Forrest (90+2).
Qazir ǵana Shotlandııanyń Glazgo qalasyndaǵy «Park Seltık» standıonynda jergilikti «Seltık» pen Qaraǵandynyń «Shahter» komandalary arasyndaǵy Chempıondar lıgasy tórtinshi raýndynyń qarymta matchy bastaldy. Osynyń aldynda bul qarsylastardyń Qaraǵandy qalasynda ótken birinshi matchy 2:0 esebimen kenshilerdiń paıdasyna sheshilgenin jankúıer qaýym jaqsy bilýge tıis.
Qazaqstannyń fýtbol komandalary buǵan deıin eshqashan halyqaralyq dárejede dál osyndaı asa jaýapty sátti, osynshalyqty joǵary deńgeıdegi kezdesýdi bastan keship kórgen joq. Munyń qasynda Almatynyń «Qaıratynyń» keshegi keńes kezeńinde Eýropa temirjolshylarynyń kýbogyn jeńip alardaǵy matchtarynyń bári de balanyń oıynshyǵy tárizdi. Sebebi, ol týrnırge qurlyqtyń úshinshi-tórtinshi dárejeli jasaqtary qatysyp edi. Al myna báseke eski dúnıeniń eń myqty degen komandalarynyń arasynda ótýde. Osy turǵydan kelgende, jarysty ekinshi kezeńnen bastap, onyń eki belesinen abyroımen óte bilgen, tórtinshisinde «Seltık» syndy azýy alty qarys qarsylasyn bir ret súrindirgen «Shahterdiń» osy jetistiginiń ózi maqtana aıtýǵa turatyndaı kórsetkish dep esepteımiz.
Osy tusta bir aıta ketetin jáıt, qaraǵandylyqtardyń óz alańyndaǵy oıyn aldynda qara qoıdy qurbandyqqa shalýy keıin shotlandııalyqtar tarapynan biraz áńgimege arqaý boldy. Tipti komandanyń bir top jankúıerleri bul jóninde ÝEFA-ǵa shaǵym da túsirgen eken. Bizge jetken aqparatqa qaraǵanda, federasııa prezıdenti Mıshel Platını shaǵymǵa mán berip, munyń qaıta qaıtalanbaýyn eskertken sekildi. Biraq qazaqstandyqtar sonda da alǵan betterinen qaıtpapty. Ras, muny endi komandanyń ózi jasaǵan joq. Ony qarymta matchty kórý úshin Oraldan Glazgoǵa barǵan jankúıerler atqarypty. Bul týraly búgin «Moı gorod» portalynyń tilshisi habarlap, ony «Aqjaıyq» fýtbol klýbynyń fanattary júzege asyrǵandaryn jetkizdi.
- «Shahter» - qazaqstandyqtar arasynan Chempıondar lıgasynyń toptyq kezeńine ótý múmkindigin alyp otyrǵan jalǵyz komanda, - deıdi solardyń biri Denıs Shapkın. – Biz sondyqtan qaraǵandylyqtardy qoldap, qurbandyq shalý rásimin jasaýǵa sheshim qabyldadyq.
Rásimniń aldynda tıisti duǵa da oqylǵan. Oǵan qatysýshylar kenshiler komandasynyń búgin mereıi ústem, abyroıy asqaq, mysy basym, jetistigi joǵary bolýyn tilepti. Endeshe, biz de sony tileımiz.
Biz, árıne, búgingi matchtyń qalaı aıaqtalatynyn bilmeımiz. Biraq «Shahterdiń» osy belesiniń ózi bizder úshin óte joǵary jetistik ekenin jaqsy bilemiz. Dál qazir qaraǵandylyqtar úshin alań ıeleriniń alǵashqy 10 mınýttyń ishindegi joıqyn shabýyldary men qysymdaryna tótep bere bilýdiń mańyzy zor. Sodan soń taǵy 20 mınýttaı joryq jalǵasady. Eger osy aralyqta qaqpamyz goldan aman shyqsa, jigitterimiz alǵa qoıǵan maqsattaryna jetýleri tıis. Sodan soń ekinshi taımnyń basy da qıyndaý bolatyn shyǵar.
Qazir matchtyń 7 mınýty oınaldy. Ázirge qaraǵandylyqtar senimdi oınaýda. Dopty bet aldyna tepkileý joq. Olar Qaraǵandyda da buǵan jol bergen joq. Bizdiń kenshiler sonysymen súısintti. Mine, shotlandtar birinshi buryshtamany áýeletti. Alań ıeleriniń qaqpaǵa týra baǵyttalǵan qatty soqqysyn qaqpashy Aleksandr Mokın qolymen qaǵyp, baǵannyń ústinen jiberdi. Sosyn shotland jasaǵy taǵy buryshtama baǵyttady. Muny da bizdiń qorǵaýshylar qaıtara bildi. Sonyń aldynda ǵana Andreı Fınonchenko aıyp dobyn urǵan. Ony alań ıeleriniń golkıperi Forster qaǵyp alǵan.
Budan keıin «Seltıktiń» joıqyn shabýyldary órbip ketti. Osy kezde olar qatarynan eki ret buryshtama berip úlgerdi. Onyń ekeýi de qaýipti boldy. Birinshi jaǵdaıda Mokın dopty aıaǵymen teýip, syrtqa jiberdi. Sosyn ekinshi aıyp dobyn Aleksandr qolymen qaıtardy. Al 13-mınýtta qaqpaǵa kirgeli turǵ
