JHL-diń 2019/20 jylǵy maýsymynda «Torpedo» shabýylshysy gol-pas júıesi boıynsha jalpy sany 54 upaı (28 shaıba soǵyp, 26 nátıjeli pas asyrǵan) jınady. Rymarevtiń buǵan deıingi eń úzdik nátıjesi – 43 upaı. Bul 2012/2013 jylǵy maýsymdaǵy kórsetkish bolatyn.
Sondaı-aq otandasymyz bul maýsymda óziniń shaıba soǵý jaǵynan da kórsetkishin ájeptáýir jaqsarǵanyn baıqaýǵa bolady. Mysaly, 2013/2014 jylǵy maýsymda Rymarev 20 shaıba soqsa, bıyl 28 márte mergendigimen kózge tústi.
Nátıjeli pas asyrý boıynsha da bıylǵy maýsymda óz rekordyn jańartty. Osy maýsymda otandasymyz áriptesterine 26 nátıjeli pas asyrsa, buǵan deıingi úzdik kórsetkishi – 24 nátıjeli pas bolatyn.
