Bul suraqqa Qoja Ahmet Iаsaýı atyndaǵy Halyqaralyq qazaq-túrik ýnıversıtetiniń rektory Bolatbek Serikbaıuly jaýap berdi.
– Qoja Ahmet Iаsaýı atyndaǵy Halyqaralyq qazaq-túrik ýnıversıteti Memleket basshysy Qasym-Jomart Kemelulynyń elimizde tótenshe jaǵdaı engizý týraly Jarlyǵyna baılanysty oqý prosesin tolyǵymen qashyqtan oqytý rejimine aýystyrýdy óz ýaqytynda ári joǵary deńgeıde uıymdastyrdy. Buǵan Ýnıversıtetimizde sońǵy 5 jyldan beri sátti jumys jasaıtyn, ári magıstratýra baǵdarlamasy boıynsha tolyq approbasııadan ótken KazTEP (Qazaq tilinde qashyqtyqtan bilim berý) qashyqtan oqytý júıesi sebep boldy. Bul júıe qashyqtan oqytý boıynsha Túrkııa tájirıbesi negizinde túrkııalyq mamandarmen birlese qurylǵan. Osy aqparattyq júıeniń aýqymy keńeıtilip, 14-16 naýryz kúnderi aralyǵynda barlyq fakýltetter júıege ıntegrasııalandy, – deıdi rektor.
Onyń aıtýynsha, qashyqtan oqytý júıesine (https://dot.ayu.edu.kz/) oflaın dáris júrgizý úshin MOODLE platformasy, al onlaın vebınarlar úshin júıesine Zoom, Cisco Webex, BigBlueButton vıdeokonferensııa baǵdarlamalary «bir tereze» qaǵıdasy negizinde ıntegrasııalanǵan. Qosymsha platforma retinde Platonus jáne basqa da júıeler (Google hangouts, YouTube, Whatsap t.b.) qoldanysta bar.
– Qazirgi tańda 839 pán boıynsha 1000 jýyq oqytýshy-professor quramy 9500 bilim alýshyǵa qashyqtan bilim berýde. Júıege joǵary tehnologııalyq qoldaý qamtamasyz etý maqsatynda «bulttyq-cloud» tehnologııa qoldanyldy jáne 1-sáýir 2020j. kúnine bir ýaqytta ortasha eseppen 6000 qoldanýshy júıede jumys jasaýda. Ýnıversıtette 19 elden 1404 shetel azamaty bilim alady. Olardan tótenshe jaǵdaı jarııalaǵannan keıin elderine qaıtqan 1042 stýdent Túrkııa, Bolgarııa, Vengrııa, Albanııa, Bosnııa-Gersegovına, Kosovo, Ázirbaıjan, Reseı sekildi shet elderden qashyqtan esh kedergisiz (ýaqyt aıyrmashylyǵyn eskermegende) bilim alyp jatyr. Barlyq pánder boıynsha elektrondy oqý-ádistemelik quraldary (sıllabýstary, leksııalary, qajetti prezentasııalary t.b.) júıege tolyq engizilgen. Ýnıversıtettiń kitaphanasynyń elektrondy kitap qory men 24 oqý-ǵylymı elektrondy resýrs bazalary bilim alýshylarǵa 7/24 qoljetimdi. Halyqaralyq ýnıversıtet retinde álemniń eń mańyzdy ǵylymı metrıkalyq qorlanyń biri- TUBITAK ULAKBIM (30 484 tolyq mátindi ǵylymı jýrnal, 87 mln. bıblıografııalyq mátin, 3341 standart jáne tb.) resýrstary bilimgerlerge usynyldy, – deıdi B.Serikbaıuly.
Rektordyń málimdeýinshe, bilim alýshylarmen keri baılanysty ornatý maqsatynda Call ortalyq jumys isteıdi. Sonymen qatar ýnıversıtet jataqhanalarynda qazir 382 (onyń 362 –sheteldik) stýdent jeke oqshaýlaný sharttarynda qashyqtan bilim alýda. Dárister júıe arqyly bekitilgen sabaq kestesine saı júrgizilýde. Kampýstar men jataqhanalar keń jıilikti ınternet jelisimen qamtylǵan (600- Mbıt/s deıin).
