«Bul aqparat jedel áreket etýdi qajet etti. Habarlama túse salysymen qalanyń barlyq tótenshe jaǵdaılar qyzmetiniń ókilderi dereý osy mekenjaıǵa baryp, saperlardyń kómegimen ǵımaratqa komıssııalyq tekserý júrgizdi. Jarylǵysh zattar tabylǵan joq. Aqparat rastalmady. Onyń avtory jedel-izdestirý sharalarynyń arqasynda tez tabyldy. Ol kóppáterli úılerdiń biriniń 14 jastaǵy turǵyny ekeni belgili boldy. Jasóspirim óziniń jasaǵan áreketin moıyndap, ony buzaqylyq nıetpen jibergenin aıtty. Bul fakt sotqa deıingi tergeýdiń biryńǵaı tizilimine QR QK-niń 273-baby boıynsha tirkeldi» dedi Almaty qalalyq PD bastyǵynyń orynbasary Berik Ábilbekov.
