«Koronavırýs indetimen kúrestegi mańyzdy kezeńniń biri – áleýetti naýqastardy izdeý men anyqtaýǵa belsendi kirisý. Basqa elderden kelgen naýqastar jáne olarmen baılanysta bolǵan azamattar anyqtalǵannan keıin mindetti testileýge jatatyn jandardyń aıasy keńeıdi. Jedel járdem, emhanalar men aýrýhanalardyń qabyldaý bólmelerindegi, provızorlyq stasıonarlar men zerthanalardaǵy medısına qyzmetkerlerine erekshe kóńil bólinedi. Sanepıdemıologtar sııaqty olar da únemi testileýden ótedi. Sonymen qatar, buǵan ózge medısınalyq qyzmetkerler, polıseıler, áskerı qyzmetshiler men blok-bekettegi memlekettik organdardyń qyzmetkerleri de tekserýden ótedi. Sondaı-aq, testileýden ótýge respıratorlyq aýrý belgileri bar, ókpe qabynýymen (pnevmonııa) aýyratyn jáne tynys alý organyndaǵy syrqatymen esepte turǵan qala turǵyndary da qamtylmaq. Jedel-testileýden qalanyń qalypty tirshiligin qamtamasyz etetin qyzmetter men kásiporyndarynyń jumysshylary da ótetin bolady. Vırýstyń jasyryn oshaǵyn der kezinde anyqtaý arqyly qaladaǵy epıdemıologııalyq jaǵdaıdy baqylaýda ustaýǵa múmkindik bar. Bizdiń mindetimiz – qaýipti indettiń órship ketýine jol bermeý», dep jazdy Baqytjan Saǵyntaev.
