Eki adamnyń biri 46 jastaǵy áıel. Ol 3 naýryzda 2 jaqty polısegmentarly pnevmonııa, tynys alý jetispeýshiligine baılanysty aýyr aǵymy dıagnozymen aýrýhanaǵa túsken. Tynys alýy qıyndap, qaqyryqty jótel men álsizdik mazalaǵan naýqastan artynsha qaýipti indet anyqtalǵan bolatyn.
Ekinshi pasıent 1955 jyly týǵan. Onyń da boıynda dál osyndaı aýrý belgileri bolǵan.
«Jansaqtaý bólimshesinde ekeýine de koronovırýstyq ınfeksııany dıagnostıkalaý jáne emdeý hattamasyna sáıkes vırýsqa qarsy, bakterııaǵa qarsy terapııa júrgizildi. Sonymen qatar, kelesi oksıgenoterapııa, ınvazıvti emes О́JJ, keýde qýysynyń apparattyq vıbromassajy jáne basqa da emdeý sharalary júrgizildi. Emdelý kezinde ózderin jaqsy sezingenderi, entigý men álsizdikteri azaıýy sııaqty oń ózgeristermen pasıentter ádettegi bólimshege aýystyryldy», – dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.
Qazirgi ýaqytta ınfeksııalyq stasıonarda Almaty oblysynan kelgen pasıentti qosa alǵanda, koronavırýsy bar 99 adam emdelip jatyr.
70 naýqastyń jaı-kúıi – qanaǵattanarlyq, jeti adamnyń jaı-kúıi – aýyr, 22 pasıenttiń jaǵdaıy (1 oblystyq) – aýyrlyqtyń ortasha dárejesinde.
