«Eshbir dáriger temeki shegý nemese kez-kelgen jaman ádetti koronavırýstan qorǵaıdy dep aıtpaıdy. Pandemııa endi bastaldy. Onyń densaýlyqqa áseri jaıly tolyqqandy aqparat qolymyzda joq. Temeki shegýshi kez-kelgen ýaqytta vırýs juqtyrsa, onyń densaýlyǵy úshin temeki shekpeıtin adamǵa qaraǵanda kóbirek zııan shegedi» deıdi Vladımır Levshın.
Temeki koronavırýstan qorǵaıdy degen aqparat nonsens.
«Temeki shegý - koronavırýstnan qutqarmaıdy, kerisinshe temeki shegetin adamdarda koronavırýstyq ınfeksııanyń barysyn kúsheıtedi. Bes jyldan alty jylǵa deıin temeki shegetin kez-kelgen adam, kem degende, sozylmaly bronhıtpen aýyrady. Al sozylmaly bronhıt bolǵan kezde pnevmonııa qaýpi birneshe ese artady», dedi Vladımır Levshın.
Sonymen qatar, reseılik onkolog onkologııalyq dertten emdelip júrgen azamattar arasynda temeki shegýshiler, tipti nashaqorlar bar ekenin, biraq birinshi kezekte, aýrýynyń sebebin bilgen boıda olar táýeldilikten bas tarýǵa tyrysatynyn, biraq keı kezde onyń tym kesh ekenin aıtyp ótipti.
Sebebi temeki nemese esirtkige táýeldilik adamnyń boıyndaǵy derttiń jasýshalaryn odan saıyn jyldamdatyp, qozdyryp jiberedi eken.
«Temeki ónimderin paıdalaný COVID-19-dan góri qaterli isik aýrýyna ákelýi múmkin» dep sózin qortyndylady dáriger.
ALMATY
