Shardja - Taldyqorǵan baǵytyndaǵy əýe reısi keshe saǵat 21:30-da qonǵan edi. Oblys əkiminiń tapsyrmasymen jedel shtab qurylyp, ony oblys əkiminiń birinshi orynbasary Lazzat Turlashov basqardy. Operasııanyń birinshi kezeńinde jolaýshylardyń barlyq júkteri, tyńǵylyqty dezınfeksııalaýdan ótti. Munan soń 135 jolaýshy telemetrııa prosedýrasynan ótkizilip, barlyǵynyń dene qyzýy qalypty ekenin kórsetti. Qaýipsizdikti qamtamasyz etý úshin kelýshilerdi qarsy alý operasııasyna tartylǵandardyń barlyǵy da obaǵa qarsy kostıýmmen qamtamasyz etildi. Əýejaıda tıisti prosedýralardyń bərinen ótkennen keıin reıs jolaýshylary avtobýstarǵa otyrǵyzylyp, polısııanyń bastap júrýimen ýaqytsha stasıonarǵa jetkizilip, ornalastyryldy.
- Jolaýshylardyń bərinen kelgen bette koronavırýsqa qarsy analız alynǵan bolatyn. Barlyǵynyń qorytyndysy teris bolyp shyqty. Algorıtmge səıkes olar eki kún karantınde bolýy tıis. Osy merzim bitkennen keıin oblys əkimi Amandyq Batalov dal olardyń ərqaısysyn turǵylyqty jerine jetkizip salýdy uıymdastyrýdy tapsyrdy. Qazir oǵan daıyndyq sharalary júrip jatyr, - dedi búgin oblys əkiminiń baspasóz hatshysy Ǵalymurat Júkel.
Shetelden oralǵan otandastarymyz bir bóligi Taldyqorǵandaǵy qonaq úıge ornalastyryldy. Turǵyndardyń qaýipsizdigin qamtamasyz etý úshin kósheniń tutas bir bóligin jabý týraly sheshim qabyldandy. Qalǵan 90 adam Tekeli qalasyndaǵy «Tekeli» sanatorıine jatqyzyldy. Atalǵan eki nysannyń mańaıyna polısııa jasaqtary qoıyldy. Osy reıspen kelgen azamattardyń ǵımarattar aýmaǵy sheginen shyǵýǵa qatań shekteý qoıylǵan. Oǵan qosa oblys əkiminiń tapsyrmasyna səıkes bul otandastarymyzǵa ornalastyrylǵan jerde karantın kezinde turýyna qajetti barlyq qolaıly jaǵdaılar jasalǵan.Tegin tamaqtaný, túrli baǵytta keńes alýǵa múmkindikter qarastyrylǵan.
Al búgin tolyqtaı tekserýden ótken 135 jolaýshynyń analızderiniń nətıjesi belgili boldy. Olardan juqpaly ándet ınfeksııasy tabylǵan joq.
Almaty oblysy
