Kompanııa baspasóz qyzmetiniń habarlaýynsha, osy aptada NCOC №2 oblystyq aýrýhanasynyń qarqyndy terapııa bólimine qosymsha medısınalyq qural-jabdyqtar, onyń ishinde ókpeni jasandy jeldetý apparattaryn, jeke saqtaný quraldaryn, sonymen qatar, Atyraý óńiriniń ózge de medısına mekemelerine antıbıotıkterdi, ınfýzııalyq eritindilerdi, zararsyzdandyrý quraldaryn tabystady. Sondaı-aq, kompanııanyń arnaıy shaqyrtýymen kelgen ulybrıtanııalyq dáriger atyraýlyq medısına qyzmetkerlerine COVID-19 koronavırýs ınfeksııasyn juqtyrǵan naýqastardy qarqyndy terapııamen emdeý boıynsha turaqty oqytý kýrstary men semınarlar ótkizip, keńes berýde.
Buǵan deıin NCOC aýrýhanaǵa jalpy quny 1 mıllıard teńgege jýyq qarjyǵa ókpeni jasandy jeldetý apparattaryn, shyǵyn materıaldaryn, ózge de qarqyndy terapııa jabdyǵyn alyp bergen edi.
–Biz osyndaı sharalardy aldaǵy ýaqytta da jalǵastyramyz. Jaqyn arada Atyraý jáne Mańǵystaý oblystarynyń medısına qyzmetkerleri úshin medısınalyq qural-jabdyq pen jeke saqtaný quraldarynyń taǵy bir partııasynyń jetkizilýin kútýdemiz -deıdi NCOC kompanııasynyń basqarýshy dırektory Rıchard Hoýv.
Jumasat ǴAZIZ
