Jasalǵan taldaýlar olardyń deni burynǵy ásker qyzmetshiler men alǵashqy áskerı daıyndyq pániniń muǵalimderi ekenin kórsetedi.
Aqtóbe oblysy ákiminiń qaýipsizdik pen qorǵanys jáne áskerı qyzmet jónindegi keńesshisi Ádilbek Qultaevtyń málimdeýinshe, óńirde 300-ge jýyq adam áskerı jıynǵa qatysýǵa tilek bildirgen.
О́tken senbide Aqtóbe qalasynda arnaıy qabyldaý rásimi ótkizilip, onyń qataryna oblys ákiminiń qaýlysyna sáıkes saıdyń tasyndaı 100 jigit iriktelip alyndy. Qalǵandary rezervte bola turmaq.
– Eldiń jastary paryz ben borysh údesinen kórine ala ma? Buǵan jaıshylyq ýaqytta kózimiz aıqyn jete bermeıtin. Áıtse de dál solaı bolatynyna úlken senim artatynbyz. Mine, sol senimimiz aldamapty. Buǵan áskerı jıynǵa qatysýǵa óz erikteri boıynsha tilek bildirgen júzdegen aqtóbeliktiń júrek qalaýy dálel. Olardy elimizdiń shyn maǵynasyndaǵy adal uldary men janashyrlary dep esepteýimiz kerek, dedi arnaıy qabyldaý rásimi kezinde Aqtóbe oblysynyń ákimi Ońdasyn Orazalın.
Kóp balaly áke Serik Syraj óz sheshimin azamattyq boryshy dep esepteıtinin aıtyp berdi. Ol áskerı jıynǵa qatysqany úshin memleketten tólenetin qarajatty qaıyrymdylyq qoryna aýdarǵandy jón kóripti. Arnaýly áskerı jıyn qataryna qabyldanǵandar áskerı qorǵanys brıgadalary men polısııa jáne tótenshe jaǵdaı qurylymdary quramynda zararsyzdandyrý jumystaryn júrgizýge, qoǵamdyq tártipti baqylaýǵa jáne kúsheıtilgen karantın talaptarynan týyndaıtyn ózge de mindetter men talaptardy oryndaýǵa kirisip te ketti.
AQTО́BE
