Qalada «Dostyq» jáne «Saryarqa» metro stansasy jelileriniń qurylys jumystaryna 250 jumysshy tartylǵan. Sonymen qatar, Rysqulov dańǵyly men Emsov kóshesiniń qıylysyndaǵy jol aıryǵynyń qurylysy da qyza túsken. Bul jumysqa 53 qurylysshy jumyldyrylypty.
Sondaı-aq qalanyń ortalyq kóshesi Abaı dańǵylyn uzartýǵa 20 jumysshy tartylǵan.
Sonymen qosa qalanyń birqatar aýdandaryndaǵy joldardy qalpyna keltirý isi qolǵa alynyp otyr. Alataý aýdanyndaǵy jańa joldardyń qurylysyna 115 jumysshy at salysýda.
- Shańyraq-2, uzyndyǵy - 10,9 km, aıaqtalý merzimi - osy jyldyń tamyz aıy, qamtý - 18440 turǵyn;
- Áıgerim-1, uzyndyǵy - 6 km, aıaqtalý merzimi - osy jyldyń mamyr aıy, qamtý - 10300 turǵyn;
- Uljan-1, uzyndyǵy - 12,6 km, aıaqtalý merzimi - osy jyldyń qazan aıy, qamtý - 8000 turǵyn;
- Trýdovık, uzyndyǵy - 18,2 km, aıaqtalý merzimi - osy jyldyń qarasha aıy, qamtý - 6000 turǵyn;
Áıgerim-2, uzyndyǵy 6 km, aıaqtalý merzimi - osy jyldyń qyrkúıek aıy, qamtý - 12,600 turǵyn.
«Jumysshylardyń sanıtarlyq-qorǵanys sharalaryn saqtaý úshin jóndeý-qurylys jumystarynyń barlyq qatysýshylary maskalarmen, sondaı-aq antıseptıkalyq zattarmen qamtamasyz etilgen.Osy jyldyń sońyna deıin Alataý aýdanynyń 7 shaǵynaýdanynda uzyndyǵy 84 shaqyrym bolatyn jańa joldyń qurylysy aıaqtalady. Sonymen qatar uzyndyǵy 67,4 shaqyrym bolatyn 18 shaǵynaýdanda ortasha jóndeý jumystaryn júrgizý josparlanǵan. 5 móltek aýdanda: «Samǵaý», «О́jet», «Shańyraq-5», «Alǵabas», «Shapaǵatta» jańa joldyń kúrdeli qurylysynyń jobalyq-smetalyq qujattaryn ázirleý jumystary júrgizilýde. Jobalyq-smetalyq qujattamany aıaqtaý merzimi 2020 jyldyń 2 toqsanyna josparlanǵan», dep habarlady ákimdiktiń baspasóz qyzmeti.
