Búgin Densaýlyq saqtaý mınıstrligi Shyǵys Qazaqstanda koronavırýs ınfeksııasynan 1 adamnyń qaıtys bolǵanyn habarlaǵan edi. Oblystyq Densaýlyq saqtaý basqarmasynyń basshysy Ilııas Muhamedjan bul derekti rastap, kóz jumǵan kisi О́skemen qalasynyń 1979 jyly týǵan turǵyny, áıel adam ekendigin rastady.
«Naýqas 12 sáýirde jedel járdem qyzmetimen aýyr jaǵdaıda eki jaqty pnevmonııamen provızorlyq stasıonarǵa jetkizilgen. Shet elge shyqpaǵan. COVID-19 taldaýlary oń nátıje kórsetkennen keıin ınfeksııalyq stasıonardyń qarqyndy terapııa palatasyna aýystyryldy. Pasıentte SOVID-19-dan basqa eki jaqty oshaqty pnevmonııa, sol jaqty plevrıt, 3 dárejeli tynys alý jetkiliksizdigi, toksındi mıokardıt, jiti respıratorlyq dısstress-sındromy jáne aýyr alkogoldik ýlanýy tirkelgen. Naýqastyń ómirin saqtaý úshin reanımatolog dárigerler ókpeni jasandy jeldetý apparatyna qosyp, barlyq reanımasııalyq is-sharalardy júrgizdi. Túnde eki márte júregi toqtap, eki ret reanımasııalyq shara sátti nátıje kórsetken bolatyn. Alaıda, júregi qaıtadan úshinshi ret toqtaǵan kezde, reanımasııa sharalary sátsiz boldy. Onymen baılanysta bolǵan 13 adam tirkelgen. Olardyń barlyǵy oqshaýlandy. Naýqastyń jaqyndary men týǵan-týystaryna qaıǵyra kóńil aıtamyz» deıdi basqarma basshysy.
О́SKEMEN
