QazUÝ quramyndaǵy «Jańa hımııalyq tehnologııalar jáne materıaldar» ǴZI ǵalymdary Saıtama ýnıversıtetindegi japondyq áriptesterimen birlese otyryp jańa tıimdi dezınfeksııalyq quraldar men teri antıseptıkterin jasaý tehnologııasyn ázirlegen. Elimizdiń medısınalyq mekemelerinde júrgizilgen aldyn-ala synaqtar antıseptıktiń joǵary tıimdiligin kórsetken.
Gıgıenalyq qorǵaý quralynyń tıimdiligi M. Aıqymbaev atyndaǵy Ulttyq asa qaýipti ınfeksııalar ǵylymı ortalyǵynyń akkredıttelgen zerthanasynyń qorytyndysymen rastaldy.
Búginde QazUÝ ǵalymdary Qazaqstanda ósetin ósimdik ekstraktilerin dezınfeksııalaý quraldary men teri antıseptıkteriniń quramynda paıdalaný boıynsha zertteýler júrgizýde. Hımııalyq komponentterdi ósimdik syǵyndylaryna ishinara aýystyrý tıimdi jáne qoldanýǵa yńǵaıly jańa preparattardy shyǵarýǵa múmkindik bermek.
ALMATY
