Ol jańa qonystaǵy alqapta turǵan jalǵyz aǵashqa kózi túsip, áıeli ekeýi aǵash otyrǵyzyp, kógaldandyrý jumystaryn bastaǵan bolatyn. Keıinirek Morton Nebraska shtatyndaǵy gazettiń redaktoryna abattandyrý kúnine arnap turǵyndardyń aǵash kóshetterin otyrǵyzý kúnin ótkizýdi usyndy. Bul bastama keńinen qoldaýǵa ıe boldy. Eń alǵashqy aǵash kúninde shtat turǵyndary mıllıonǵa jýyq aǵash otyrǵyzdy.
Mortonnyń týǵan kúnine oraı 1882 jyly 22 sáýir – aǵash otyrǵyzý kúni retinde resmı jarııalandy. Al 1970 jyldan bastap Jer kúni qorshaǵan ortany qorǵaý jáne ekologııalyq bilimge arnalǵan merekege aınalǵan bolatyn. Osy aıada «Parkter sherýi» halyqaralyq merekesi 1990 jyldan bastaldy. Oǵan 141 elden 200 mıllıon adam qatysty. 90-jyldardyń basynan bastap Jer kúni – «Parkter sherýi» degen maǵyna berdi. 1995 jyldan bastap oǵan Reseı qoryqtary men ulttyq parkteri qosyldy. Al 1997 jyly parkter sherýi burynǵy KSRO-nyń barlyq aýmaǵynda – Ýkraına, Belarýs, Qazaqstan, Qyrǵyzstan, Túrkimenstan, Tájikstan jáne О́zbekstandaǵy 150-den astam parkterde ótkiziletin boldy.
«Altyn-Emel» memlekettik ulttyq tabıǵı parki mekemesi 2013 jyldan bastap osy Parkter sherýi aksııasyn ótkizip keledi. Bıyl bul sharany elimizdegi tótenshe jaǵdaıǵa baılanysty onlaın rejimde ótkizýdi josparlap otyrmyz. Bıyl oqýshylarǵa onlaın-tapsyrmalar berip, tanymyn keńeıtýdi oılastyrdyq. Úzdik shyǵarma men jaýaptar ıesine eki kúndik joldama syılaımyz. Jeńimpaz «Altyn-Emeldiń» ǵajap tabıǵatymen tanysyp, qoryqshylardyń tirshiligin baqylaıdy», deıdi «Altyn-Emel» MUTP bas dırektory Qalyq Baıadılov.
Almaty oblysy
