Prezıdent Qasym-Jomart Toqaev 10 sáýirde tótenshe jaǵdaı rejimi aıdyń aıaǵyna deıin uzartylǵanyn málimdedi. Memleket basshysy jumyssyz otyrǵandardy qoldaýǵa erekshe mán berip, tótenshe jaǵdaıda taǵaıyndalǵan áleýmettik tólemniń tıimdi ári qaýipsiz úlestirilýin naqtylap tapsyrdy. Buǵan qosa indetten keıingi kezeńniń josparly isterin qaperde ustap, «Jumyspen qamtýdyń jol kartasy» baǵdarlamasynyń sapaly oryndalýyn sóz etti.
Kóptegen jumys ornyn quryp, biraz azamatty jumyspen qamtýǵa septigin tıgizetin bul baǵdarlamanyń qysyltaıań shaqta mańyzy arta tústi. Igiligi mol baǵdarlamany iske asyrýǵa 1 mlrd teńge bólindi. Bul ýaqytsha jáne turaqty 242 myńnan asa jumys ornyn ashýǵa múmkindik beredi.
Biz óz tarapymyzdan baǵdarlamanyń talaı tıimdi kásiptiń kózin ashyp, odan ári turaqty damýǵa yqpal etýine múddelimiz. Bızneske bastaý bolatyn jobalar tıimdiligin kórsetip, jumys oryndarynyń aıasyn keńeıtýge úles qosýy úshin jaǵdaı jasaý kerek.
О́z kezeginde «Atameken» Ulttyq kəsipkerler palatasynyń mobıldi jumyspen qamtý ortalyqtary «Jumyspen qamtýdyń jol kartasy» sheńberinde jumyssyz tulǵalarǵa paıdaly aqparattardy ýaqtyly jetkizip, jumysqa ornalastyrýǵa kómektesýge daıyn. Sonyń ishinde onlaın rejimde jumyspen qamtý tájirıbesimen bólisý azamattarǵa biraz septigin tıgizedi dep oılaımyn.
Búgingi tańda osyndaı 31 mobıldi ortalyq jumys istep tur. Onyń 8-i – Nur-Sultan, 12-si – Almaty, 10-y – Shymkent qalarynda jáne bireýi Qordaı aýdanynda uıymdastyryldy. 2019 jyldan
2020 jyldyń 1 sáýirine deıingi kezeńde bul ortalyqtyń qyzmetine 143,1 myń adam júgindi. Joba iske qosylǵan sátten bastap 5362 adam jumysqa ornalastyryldy. Onyń ishinde 174 adam tótenshe jaǵdaı kezinde jumysty boldy.
Osylaısha kez kelgen salada máseleniń sheshimin jedel taýyp, onyń nátıjeli oryndalýy úshin jumyla kirissek, bul kúrdeli kezeńniń aýyrtpalyǵyn da artqa tastaımyz dep senemin.
Aıdana TOǴYZBAEVA,
«Atameken» Ulttyq kásipkerler palatasy Jumyspen qamtý máseleleri boıynsha departamentiniń dırektory
