Indet juqtyrǵan medısına qyzmetkerleriniń sany artty

«13 sáýir saǵat 13:00-ge deıin koro­navırýs juqtyrǵan 972 jaǵ­daı tirkeldi, onyń 99-y jazylyp shyq­ty. 21 naýqastyń jaǵdaıy aýyr, 11 adam qaıtys boldy. О́t­ken táýlikte elimizde 86 jańa jaǵ­daı tirkeldi, ortasha ósim 9,9%. Nur-Sultanda – 20 (8,7%), Alma­tyda 28 (20,4%) naýqas anyq­taldy. Elimizde jalpy 34 236 adam medısınalyq baqylaýda. Olar­dyń  28%-y stasıonarǵa ornalas­ty­rylǵan bolsa, 68%-y úı karan­tıninde», dedi komıtet basshysy.

Spıker koronavırýs juqtyrǵan medısına qyzmetkerleriniń sa­ny 211-ge jetkenin habarlady. Onyń ishinde bir naýqas – Ishki is­ter mınıstrliginiń qyzmetkeri. Mun­daı jaǵdaı respýblıkanyń 13 óńir­inde tirkelgen, jalpy naýqas­tardyń 20,5%-yn quraıdy.  Atap aıtqanda, COVID-19 emdeý jáne aýrý juqtyrýy múmkin naýqastarǵa kútim jasaıtyn beıindi stasıonarlarda 74 medısına qyzmetkeri, onyń ishinde karantındik ortalyqta – 20 (Nur-Sultan qalasynda), provızorlyq stasıonarda – 10, juqpaly aýrýlar aýrýhanalarynda 44 medısına qyzmetkeri vırýs juqtyrǵan.

Lıýdmıla Bıýrabekova aýrý juq­tyrǵan medısına qyzmet­ker­leri tirkelgen barlyq medı­sı­nalyq uıymdarda ınfeksııanyń sebepteri men faktorlaryn anyqtaý boıynsha jumys júr­gi­zilip jatqanyn jetkizdi. Onyń aıtýynsha, qyzmettiń qarba­las­tyǵyna baılanysty jumys reji­miniń buzylyp, aýrýhanada táýlik boıy bolýy negizgi sebep bolsa, keı aımaqtarda qyzmetkerler dezın­feksııalyq jáne jeke qor­ǵanysh quraldarymen tolyq qamta­masyz etilmegen. Tipti keıbir qyz­metkerler jeke qorǵanysh qural­daryn ózderi durys paıdalan­baı, sanıtarlyq normany saqta­maǵan. «476-bap boıynsha ákim­shilik jaýapkershilikke tartý úshin júrgizilgen tekseris­ter­diń nátıjeleri boıynsha sanı­tar­lyq-epıdemııaǵa qarsy (profı­laktıkalyq) is-sharalardy júrgizý týraly sheshim qabyldandy. Almatydaǵy 6 jeke medısınalyq uıymnyń medısınalyq lısenzııalaryn toqtata turý týraly materıaldar sot organdaryna jiberildi», dedi L.Bıýrabekova.

Mınıstrlik ókili keshe bir kún­niń ózinde  COVID-19 aýrýy­men jatqan pasıentterdi emdeý jáne kútý sharalaryna qatys­paǵan 82 medısınalyq qyzmet­ker­diń vırýs juqtyrǵanyn atap ótti. «COVID-19 aýrýymen aýyr­ǵan pasıentterdi emdeýge, kú­týge tartylmaǵan medısı­na­lyq qyzmetkerler arasyn­da ko­ro­navırýs ınfeksııasyn juq­tyr­ǵandar sany da tez ósip jatyr. Atalǵan kontıngent mańyz­­dy epıdemıologııalyq bólim sa­­nalady. Iаǵnı bul sanat ın­fek­sııany ári qaraı órshitýi múm­­kin oshaqqa aınalý qaýpi bar. Juq­tyrýdyń joǵary deńgeıi Nur-Sultan (36), Almaty (33) qala­l­arynda, sonymen qatar Aty­raý (6), Aqmola (3) oblystary jáne Qaraǵandy, Qyzylorda, Sol­tústik Qazaqstan oblystarynda, IIM vedomstvoaralyq qyzme­tinde tirkeldi», degen Lıýd­mıla Bıýrabekova Nur-Sultanda Ulttyq ǵylymı kardıologııalyq ortalyqtan 8 adam, Ulttyq onkologııa jáne transplantologııa orta­lyǵynan 16 adam, «Meıirim» medı­sınalyq ortalyǵynan 7 adamnyń koronavırýs juqtyrǵanyn aıtty.

Sondaı-aq ol koronavırýs in­de­tiniń eli­mizde sharyqtaý shegine boljam jasalǵanyn da jetkizdi. «Ǵa­lymdardyń aldyn ala esebi bo­ıynsha, Qazaqstandaǵy koronavırýs ınfeksııasynyń eń asqyn­ǵan shaǵy sáýirdiń sońy men mamyr aıyn­da bolady dep bolja­nyp otyr. Bul kezde aýrý juqtyrǵan­dar­dyń sany 2 myńnan asýy múm­kin», dedi komıtet tóraıymy.

Koronavırýs boıynsha eks­press-test Almaty men Nur-Sultan qalalarynda júrgizi­lip jatyr. Budan bólek sheka­ra­­lar­daǵy sanıtarlyq-ótkizý pýnk­t­teri­niń bári de ekspress-testpen qam­tamasyz etilgen. Osy­ny aıt­qan spıker: «Ol jerde kirgen­­der­diń bárine ekspress-test júrgi­ziledi. Bizdiń mesenattardyń qara­ja­tymen 270 myń test satyp alynǵan bolatyn. Búginde 3136 ekspress-test júrgizildi. Onyń 354-i Qazaqstannyń avto­kólik beket­terinde, 2782-si medı­sı­nalyq uıymdarda jasaldy. 64 adam­da antıdeneniń bary anyq­tal­dy. Iаǵnı olardyń bári koronavırýs ınfeksııasymen aýyryp, jazylyp ketkender. Olardy endi ári qaraı bekitilgen algorıtm boıynsha PTR-testten ótkizemiz», dedi.