Aımaqtar • 14 Sáýir, 2020

Qysyltaıańdaǵy qoldaýǵa razymyz

137 ret

kórsetildi

1 mın

oqý úshin

Memleket basshysy Qasym-Jomart Toqaevtyń koronavırýspen kúresip jatqan medısına qyzmetkerlerine kómek kórsetý týraly tapsyrmasyna sáıkes, Túrkistan oblysynda 1994 dáriger ústemeaqy aldy. COVID-19 ınfeksııasymen kúreste aıanbaı eńbek etip júrgen mamandar jumys qaýiptiligine qaraı 3 topqa bólingen. Táýekeldiń birinshi tobyna óte qaýipti jaǵdaıda jumys isteıtin 27 qyzmetker endi. Ekinshi sanat qaýiptiligindegi dárigerler men feldsherlerge, ıaǵnı, 337 medısına mamandaryna ústemeaqy tólendi. Úshinshi topqa 1630 qyzmetker enip otyr. Ústemeaqy alǵandar reanımasııa bólimderin qosa alǵanda, juqpaly aýrýlar stasıonarlarynyń dárigerleri, karantındik aımaqtaǵy orta jáne kishi býyn medısına qyzmetkerleri. Sondaı-aq provızorlyq stasıonar men jedel járdem qyzmetiniń dárigerleri jáne jedel-járdem júrgizýshileri.

Egemen Qazaqstan

Memleket basshysynyń tapsyrmasyna sáıkes berilip jatqan bul qarjylaı kómek jáne yntalandyrý sala mamandaryna úlken qoldaý boldy. Bizdiń áriptesterimiz oblystaǵy ár naýqasty ózi jeke baqylap, dárigerlik em kórsetip qana qoımaı, jyly sózimen úmit syılap júrgen naǵyz mamandar. Aq jeleńdi abzal jandar bir aıǵa jýyq ýaqyt jaqyn týystaryn kórgen joq. О́z kásibı qyzmetin basty mindet sanaıtyn abzal áriptesterimniń atynan osyndaı qysyltaıań sátte qoldaý kórsetken el bıligine alǵysymyzdy aıtamyz.

Baqtyǵalı EREJEPOV,

Túrkistan oblysynyń bas ınfeksıonıst-dárigeri, Qazyǵurt ortalyq aýdandyq aýrýhanasynyń bas dárigeri